Jeremiya 11:14 - Siswati 1996 Bible

¹⁴ “Wena-ke Jeremiya, ungabathandazeli labantfu, ungabaceleli, futsi ungabancuseli, ngobe ngingeke ngilalele nase bangibita ngesikhatsi selusizi lwabo.

Jeremiya 11:14 Referencias Cruzadas

Tihlabelelo 66:18

Kube bengicondze bubi enhlitiyweni yami, Simakadze abengeke angive.

Eksodusi 32:10

Ngako-ke ase ungiyekele kutsi lulaka lwami lutewubahashula lubabhubhise. Wena-ke ngitakwenta ube sive lesikhulu.”

Jeremiya 11:11

Ngako-ke naku lokushiwo nguSimakadze, utsi: ‘Ngiyakwehlisela etikwabo inhlekelele labangeke bakhone kuyibalekela. Nome bangakhala bacele lusito kimi, ngingeke ngibalalele.

Jeremiya 14:11

Ngako Simakadze wakhuluma kimi, watsi: “Ungakuthandazeli kuphumelela kwalabantfu.

Jeremiya 14:12

Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Jeremiya 7:16

“Ngako-ke, wena Jeremiya, ungabathandazeli labantfu, futsi ungabancuseli, ungabancengeli; ungangincengi nami, ngobe ngingeke ngikuve.

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Zakhariya 7:13

“Simakadze longuSomandla utsi: ‘Ngatsi nangibabita bangete balalela ngekusabela, ngako-ke nabo nabamemeta, angizange ngibalalele.

Malakhi 2:13

Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.

1 yaJohane 5:16

Nakukhona lobona umzalwane wakhe enta sono lesingaholeli ekufeni, kufanele amthandazele, Nkulunkulu utamupha kuphila. Loko kucondzene nalabo labenta sono lesingaholeli ekufeni. Sikhona sono lesiholela ekufeni, lengingete ngasho kutsi kungacelwa ngaleso.