Jeremiya 11:13 - Siswati 1996 Bible

¹³ Ninabonkulunkulu labanyenti labangangalamadolobha enu, nine maJuda; nalamalati leniwamisele kutfuncisa imphepho kuwo, niyitfuncisele sithico lesilihlazo lesinguBhali, manyenti angangetitaladi taseJerusalema.’

Jeremiya 11:13 Referencias Cruzadas

2 Emakhosi 23:13

Inkhosi yaphindza yacitsa letindzawo letiphakeme letatakhiwe ngasemphumalanga neJerusalema eningizimu neliGcuma Lekonakala, tona leto Solomoni, inkhosi yaka-Israyeli, latakhela Ashtarothe, sithicokati lesenyanyekako semaSidoni, naKhemoshi, sithico lesenyanyekako sakaMowabi, kanye naMoloki, sithico lesisinengiso sema-Amoni.

2 Tikhronike 28:25

Kuwo onkhe emadolobha akaJuda wakha tindzawo letiphakeme tekutfuncisela imphepho etithicweni; wachukuluta Simakadze Nkulunkulu waboyisemkhulu, kutsi atfukutsele.

Isaya 2:8

Live labo ligcwele tithico; bakhotsamela umsebenti wetandla tabo, loko lokwentiwe ngemino yabo.

Jeremiya 11:17

Simakadze Somandla lowakuhlanyela, sewukumisele inhlekelele, ngobe indlu yaka-Israyeli nendlu yakaJuda tente lokubi tangicunula, ngatfukutsela ngekutfuncisa kwato imphepho kuBhali.

Jeremiya 17:1

“Sono saJuda sicoshwe ngelutsi lwensimbi, sabhalwa ngesihloko sedayimane etibhebheni tetinhlitiyo tabo nasetimphondvweni temalati abo.

Jeremiya 18:15

Noko sive sami singilahlile mine; satfuncisa imphepho etithicweni letingenamsebenti, letabakhubatelisa etindleleni tabo nasemikhondvweni yakadzeni. Tabahambisa ngetindlela letijubako nangemigwaco lengakakhiwa kahle.

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Jeremiya 19:5

Bakhe tindzawo letiphakeme tekukhontela boBhali, bentela kushisa emadvodzana abo emlilweni abe ngiminikelo kuBhali, intfo lengingazange sengibayale ngayo futsi lengingazange sengiyisho, nalengazange seyifike nasengcondvweni yami.

Jeremiya 2:28

Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.

Jeremiya 3:24

Kusukela ebusheni betfu bonkulunkulu labangemahlazo badle titselo tetitfukutfuku tabokhokho betfu, lekungimihlambi yabo yetimvu neyetimbuti nemihlambi yabo yetinkhomo, yebo, emadvodzana abo nemadvodzakati abo.

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 32:35

Bakhela Bhali tindzawo letiphakeme eSigodzini sakaBheni Hinomu bentela kutsi bente umhlatjelo ngemadvodzana nemadvodzakati abo kuMoloki, noko angizange sengibayale kutsi bakwente, futsi bengingazange sengikucabange nasengcondvweni yami kutsi bangayenta intfo lesinengiso kangaka ngaloko bonise sive sakaJuda.”

Jeremiya 44:21

“Simakadze akayikhumbulanga yini wayicabanga imphepho leyayitfunciswa emadolobheni akaJuda nasetitaladini taseJerusalema, itfunciswa ngini naboyihlo nemakhosi enu, netiphatsimandla tenu, kanye nebantfu balelive?

Jeremiya 44:5

Kodvwa anizange ningilalele nome ninginake; anizange nigucuke nibushiye bubi nibo, nome nikuyekele kutfuncisa imphepho kulabanye bonkulunkulu.

Jeremiya 48:35

Ngiyawubacedza kaMowabi labo labashisa iminikelo etindzaweni letiphakeme, batfuncise nemphepho etithicweni tabo,” kusho Simakadze.

Jeremiya 7:9

“ ‘Nisetakweba yini, nibulale, niphinge, nifungele emanga, nitfuncise imphepho kuBhali, nilandzele labanye bonkulunkulu leningazange senibati,

Hezekeli 16:24

watakhela wena sibundvuma, kuto tonkhe tinkhundla watentela sitfombe lesihle lesikhontwako.

Hoseya 10:1

Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.

Hoseya 12:11

Gileyadi ukhohlakele yini? Bantfu bakhe akusibantfu balutfo! Bayayenta imihlatjelo yetinkunzi eGilgali, ngako-ke emalati abo ayawufanana netincumbi tematje lasensimini lelinyiwe.

Hoseya 9:10

“Ngesikhatsi nangitfola Israyeli, bekungatsi ngitfola emagelebisi elugwadvule; ngesikhatsi ngibona boyihlo, bekungatsi ngibona titselo tekucala esihlahleni semakhiwa. Kodvwa kwatsi nabefika eBhali Pheyori, batehlukanisela leso sithico lesilihlazo, nabo baze benyanyeka njengalentfo bebayitsandza.