Jeremiya 10:9 - Siswati 1996 Bible

⁹ Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.

Jeremiya 10:9 Referencias Cruzadas

1 Emakhosi 10:22

Inkhosi yayinelubhuzane lwemikhumbi yekuhweba elwandle, ikanye nalena yaHiramu. Kanye ngeminyaka lemitsatfu yayibuya yetfwele igolide, nesiliva, nematinyo endlovu, netinkawu kanye netimfene.

2 Tikhronike 9:21

Inkhosi yayinemikhumbi leminyenti yekuhweba elwandle; lemikhumbi yayinemadvodza akaHiramu. Kanye ngeminyaka lemitsatfu yayibuya yetfwele igolide, nesiliva, nematinyo etindlovu, netinkawu kanye netimfene.

Tihlabelelo 115:4

Kodvwa tithico tebetive tentiwa ngesiliva nangegolide, tingumsebenti wetandla temuntfu.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Isaya 23:6

Yewelani, niye eThashishi, lilani, nine sive sasesichingini.

Isaya 40:19

Sithico-ke sona, intfo lebunjwa yingcweti, umfuli nje usembesa ngegolide, asentele netinketane tesiliva.

Hezekeli 27:12

“ ‘IThashishi yatsengiselana nawe ngenca yebunyenti bebunjinga bakho betimphahla; babeshintjiselana nawe ngesiliva, nangensimbi, nangemfimfi, nangemtfofu, ngetimphahla takho.

Hezekeli 27:7

Ilineni lecolisakele nalehlotjisiwe yaseGibhithe kwakungulona seyili lakho lelalisebenta njengesiboniso sakho; emathende akho abentiwe ngalokuluhlata njengesibhakabhaka nangalokubukhwebeletane lokuphuma etichingini tase-Elisha.

Danyela 10:5

ngatsi ngiyabuka, ngabona embikwami kume umuntfu embetse telineni, atibophe ngelibhande legolide lecengekile elukhalo.

Hoseya 8:6

Lesithico siphuma ka-Israyeli! Lelitfole lentiwe ngumuntfu loyingcweti kutekubata, alisiye Nkulunkulu. Litakwephulwa libe ticucu, lelo tfole laseSamariya.

Jona 1:3

Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.

Habakhuki 2:19

Nako kulowo muntfu losho esigodvweni atsi: ‘Phila!’ nome etjeni lelingenamphilo atsi: ‘Vuka!’ Lingasinika yini seluleko? Lembeswe ngegolide nangesiliva, kute umphefumulo kulo.