Jeremiya 10:7 - Siswati 1996 Bible

⁷ Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jeremiya 10:7 Referencias Cruzadas

2 Emakhosi 17:39

kodvwa niyawukhonta Simakadze Nkulunkulu wenu. Nguye loyakunikhulula esandleni sato tonkhe titsa tenu.”

1 Tikhronike 16:25

Ngobe mkhulu Simakadze, ufanele kudvunyiswa kakhulu, ufanele kwesatjwa kunabo bonkhe bonkulunkulu.

Esta 1:13

Kwakungumkhuba wenkhosi kutsi icale ibute indlela etingcwetini temtsetfo letatibeluleki bayo etintfweni letiphatselene nenkhosi, ngako yavele yatibita.

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 22:28

ngobe bukhosi baSimakadze, nguye lobusa etikwetive.

Tihlabelelo 47:3

Wagoba tive, netinhlanga tasikhotsamela, sahamba etikwato ngetinyawo.

Tihlabelelo 72:11

Shangatsi onkhe emakhosi angakhotsama kuyo, netive tonkhe tiyikhonte.

Tihlabelelo 76:7

Kodvwa uyesabeka, ngubani nje longema embikwakho, nase utfukutsele uvutsa lulaka?

Tihlabelelo 86:8

Kubo bonkhe bonkulunkulu kute lofanana nawe, Simakadze; kute nalokufanana nemisebenti yakho.

Tihlabelelo 86:9

Tonkhe tive lotentile tiyawuta kuwe, tikhotsame embikwakho, Nkhosi yami, tibabate libito lakho.

Tihlabelelo 89:6

Ngubani nje losesibhakabhakeni longalinganiswa nawe, Simakadze? Ngubani nje, emkhatsini wemadvodzana aNkulunkulu, longafananiswa naSimakadze?

Eksodusi 8:10

Faro wamphendvula watsi: “Kusasa.” Mosi watsi: “Kulungile, nkhosi, kutakwenteka njengobe ufuna, kuze wati kutsi kute lofanana naSimakadze longuNkulunkulu wetfu.

Eksodusi 9:14

Ngobe manje letishayo ngitatitfumelela kuletiphatsimandla takho nakubantfu bakho ngicedze ngendlulele kuwe imbala, khona utekwati kutsi kute lofanana nami emhlabeni wonkhe jikelele.

Isaya 2:4

Uyakwehlulela emkhatsini wetive, acatulule imibango yetive letinyenti. Tona-ke tiyawukhandza tinkemba tato, titente tibe ngemakhuba, tikhali tato tibe tikelo tekutsena tihlahla. Sive singeke sihlasele lesinye ngenkemba, futsi tive tingeke tisaceceshelwa kulwa imphi.

Jeremiya 10:6

Awu, Simakadze umkhulu, kute lonjengawe; nemandla eLibito lakho makhulu kakhulu.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Danyela 2:27

Danyela wayiphendvula inkhosi, watsi: “Kute sati, nome umtsebuli, nome sangoma, nome inyanga lokungayichazela inkhosi ngalemfihlakalo leyicelile,

Danyela 2:28

kodvwa ukhona Nkulunkulu losezulwini lowembula timfihlakalo. Nguye lobonise inkhosi Nebukhadnezari loko lokutakwenteka kulamalanga letako. Liphupho lakho nemibono yakho leyendlule lapha engcondvweni yakho usalele embhedzeni wakho ngunaku:

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Zakhariya 2:11

“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Lukha 12:5

Kodvwa ngitaneluleka ngalenifanele kumesaba. Mesabeni lowo longuYena anemandla ekubulala umtimba aphindze ashisane esihogweni; yebo, nginitjela ngitsi: Yesabani lowo!

1 kubaseKorinthe 8:6

noko kitsi kukhona Nkulunkulu munye, Babe, lokuvela kuye konkhe, natsi sikhonela yena. INkhosi yinye, nguJesu Khristu, lokuvela ngaye konkhe, natsi lesiphila ngaye.

Joshuwa 4:24

Wakwenta loko kuze tonkhe tive temhlaba tati kutsi sandla saSimakadze sinemandla, nekutsi nani nihlale nimesaba Simakadze Nkulunkulu wenu phakadze naphakadze.”

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”