Jeremiya 1:19 - Siswati 1996 Bible

¹⁹ Bayakulwa nawe, kodvwa bangeke bakwehlule, ngobe mine nginawe, futsi ngiyawukwelekelela,” kusho Simakadze.

Jeremiya 1:19 Referencias Cruzadas

Tihlabelelo 129:2

“Bangihlupha kwasebusheni bami, kodvwa abazange bangehlule.

Jeremiya 1:18

Lamuhla ngikwente waba lidolobha leliyinqaba, waba yinsika yensimbi nelubondza lwelitfusi kutsi utewumelana nalo lonkhe live; umelane nemakhosi akaJuda, netiphatsimandla takhona, nebaphristi bakhona kanye nesive sonkhe sakulelo live.

Jeremiya 1:8

Ungabesabi, ngobe mine nginawe, futsi ngiyawukuphephisa,” kusho Simakadze.

Jeremiya 11:19

Bengifanana nelizinyane lemvu lelitfobile liyewuhlatjwa; ngangingati kutsi kantsi bese bente lisu lekungenta silo sengubo, batsi: “Asisibhubhise lesihlahla kanye netitselo taso, asimkhweshise eveni lalabaphilako, kuze libito lakhe lingaphindzi likhunjulwe.”

Jeremiya 11:21

Ngako-ke naku lokushiwo nguSimakadze ngemadvodza ase-Anathothi lafunana nemphilo yami, atsi: “Ungaphrofethi ngelibito laSimakadze, funa sikubulale ngetandla tetfu,”

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 2:1

Livi laSimakadze lefika kimi, latsi:

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 20:11

Kodvwa Simakadze ume ngakimi njengelichawe lemphi lelinemandla; ngako-ke bahluphi bami bayawukhubatela, ngeke baphumelele. Batakwehluleka batseleke ngalelikhulu lihlazo, badliwe ngemahloni langayiwuphindze akhohlakale.

Jeremiya 26:8

Kodvwa watsi acedza nje Jeremiya kubatjela bonkhe labantfu onkhe emavi labewatfunywe nguSimakadze kutsi atebatjela wona, kwesuka baphristi, nebaphrofethi kanye nabo bonkhe bantfu bambamba batsi kuye: “Ufanele ufe!

Jeremiya 30:11

Nginawe, futsi ngiyawukusindzisa. Noko ngiyatibhubhisa ngiticedze tonkhe letinye tive, lebengikusakatele kuto, kodvwa wena ngingeke ngikubhubhise ngikucedze. Ngiyawukujezisa ngikucondzise noko ngekwehlulela ngebucotfo bemtsetfo, ngingeke ngikuyekele uhambe nje ungasashaywa nawonile,’ kusho Simakadze.

Jeremiya 39:17

Kodvwa ngiyakukwephula wena ngalelo langa, ngeke uniketelwe etandleni talabo lobesabako, kusho Simakadze.

Jeremiya 42:11

Ningayesabi inkhosi yaseBhabhulona leseniyesaba nyalo. Simakadze utsi: Ningayesabi, ngobe nginani, futsi ngitanisindzisa nginikhulule etandleni tayo.

Jeremiya 46:28

Ungesabi, wena Jakobe, nceku yami, ngobe nginawe,” kusho Simakadze. “Noko, nome ngitibhubhisa ngiticedza tonkhe tive, lapho ngikucoshele khona, wena angiyiwukubhubhisa ngikucedze. Ngiyawukujezisa nje kuphela, nako loko ngikwente ngalokufanele umtsetfo, ngobe ngingeke ngikuyekele nje ngingakushayi.”

Danyela 3:25

Yatsi: “Ase nibuke! Ngibona emadvodza lamane ahambahamba lapha ekhatsi emlilweni, atfukululiwe, futsi akalimali ndzawo, kantsi lona wesine ufanana nendvodzana yabonkulunkulu.”

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Imisebenti yebaPhostoli 26:17

Ngitawukusindzisa esiveni saka-Israyeli nebetive lengikutfuma kubo.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”