Jeremiya 1:17 - Siswati 1996 Bible

¹⁷ “Tilungiselele! Sukuma ukhulume kubo konkhe loko lengikutfume kona. Ungabesabi, ngobe ngingahle ngikwetfuse lapha embikwabo.

Jeremiya 1:17 Referencias Cruzadas

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

2 Emakhosi 1:15

Ingilosi yaSimakadze yakhuluma ku-Elija, yatsi: “Yehla naye, ungamesabi.” Ngako Elija wasukuma wehla naye, waya enkhosini.

2 Emakhosi 4:29

Elisha wakhuluma kuGehazi, watsi: “Shesha uvunule, utsatse indvuku yami uyiphatse ngesandla sakho, ugijime. Lohlangana naye endleleni, ungambingeleli, kantsi nakukhona lokubingelelako, ungavumi. Lendvuku yami ubofike uyibeke etikwebuso balomfana.”

2 Emakhosi 9:1

Umphrofethi Elisha watfuma lomunye welicembu lebaphrofethi lababenaye, watsi kuye: “Bopha lijazi lakho ngelibhande, utsatse luphondvo lwemafutsa uhambe nalo uye eRamothi Gileyadi.

Jobe 38:3

Bhukula-ke njengendvodza; ngitakubuta, wena ungiphendvule.

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Eksodusi 7:2

Wena utawutjela Aroni konkhe loko lengikuyale ngako; yena-ke utabe sewutjela Faro kutsi akhulule sive sami, ema-Israyeli, siphume eveni lakhe.

Jeremiya 1:18

Lamuhla ngikwente waba lidolobha leliyinqaba, waba yinsika yensimbi nelubondza lwelitfusi kutsi utewumelana nalo lonkhe live; umelane nemakhosi akaJuda, netiphatsimandla takhona, nebaphristi bakhona kanye nesive sonkhe sakulelo live.

Jeremiya 17:18

Bahluphi bami abatseleke ngelihlazo, kodvwa mine ungikhweshise ehlazweni, abesatjiswe bona, kodvwa mine ngingesatjiswa. Yehlisela etikwabo lilanga lenhlekelele, babhubhise ngembhubhiso lephindvwe kabili.

Jeremiya 23:28

Umphrofethi loneliphupho akakhulume liphupho lakhe, kodvwa lowo lonelivi lami akakhulume lona ngekwetsembeka. Ngobe empeleni emakhoba ayini nje kukolo?” kusho Simakadze.

Jeremiya 26:12

Jeremiya wase ukhuluma kuto tonkhe letiphatsimandla nakubo bonkhe labantfu, watsi: “Simakadze ungitfumile kutsi ngitewuphrofetha ngalendlu nangalelidolobha tonkhe letintfo lesenitivile.

Jeremiya 26:2

“Naku lokushiwo nguSimakadze, utsi: Mani esibuyeni selithempeli laSimakadze, ukhulume kubo bonkhe bantfu basemadolobheni akaJuda labayaye bete batewukhontela lapha ethempelini laSimakadze. Batjele konkhe lengikutfume kona, ungashiyi nalinye livi.

Jeremiya 36:8

Bharuki, umsa waNeriya, wenta konkhe loko labekutjelwe ngumphrofethi Jeremiya kutsi akwente; wavele wafundza lamavi aSimakadze kuleyo ncwadzi asethempelini laSimakadze.

Sililo 3:57

Wasondzela kimi nangikubita, watsi: “Ungesabi.”

Jona 3:2

“Hamba, uye eNineve, kulelidolobha lelikhulu, ufike umemetele lesimemetelo lengikunike sona.”

Lukha 12:35

“Hlalani tinkhalo tenu tiboshiwe netibane tenu tivutsa,

Imisebenti yebaPhostoli 20:20

Niyati nekutsi kute lenganigodlela kona kunitjela nekunifundzisa embikwebantfu nasemakhaya enu, lokwakungahle kube lusito kini.

Imisebenti yebaPhostoli 20:27

Ngobe angizange nginifihlele lutfo lwentsandvo yaNkulunkulu.

1 kubaseKorinthe 9:16

Nangishumayela liVangeli, angikafaneli kutigabatisa, ngobe vele ngimelwe kulishumayela. Kodvwa maye kimi, nangingalishumayeli liVangeli!

1 kubaseThesalonika 2:2

Kodvwa nome sase sihlushiwe satselwa ngelihlazo eFiliphi, njengobe nani nati, saba nesibindzi kuNkulunkulu wetfu kutsi sishumayele kini liVangeli laNkulunkulu sibhekene nebulukhuni lobukhulu.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.