Jeremiya 1:15 - Siswati 1996 Bible

¹⁵ Sekusedvutane kutsi ngibite tonkhe tive temibuso yangasenyakatfo,” kusho Simakadze. “Emakhosi ato ayakuta, atewumisa tihlalo tawo tebukhosi ekungeneni kwemasango aseJerusalema. Ayakuta ahlasele lonkhe lubondza loluyitungeletile kanye nawo onkhe emadolobha akaJuda.

Jeremiya 1:15 Referencias Cruzadas

Isaya 22:7

Tihosha tenu telikhetselo tigcwele tincola temphi, nebagibeli bemahhashi babekwe emasangweni elidolobha;

Jeremiya 10:22

Lalelani! Livi lembiko liyasondzela, siphitsiphitsi lesikhulu, lesivela eveni langasenyakatfo! Utakwenta emadolobha akaJuda asale akhala libhungane, angumgedze wetimphungutja.

Jeremiya 10:25

Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.

Jeremiya 13:20

Phakamisani emehlo enu nibone labo labaphuma enyakatfo. Uphi lomhlambi lebewubekwe etandleni tenu, timvu lebenitigabatisa ngato?

Jeremiya 25:28

Kodvwa nangabe bayala kutsatsa lenkomishi esandleni sakho banatse, batjele utsi: ‘Naku lokushiwo nguSimakadze Somandla, utsi: Kufanele niyinatse!

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 33:10

“Naku lokushiwo nguSimakadze, utsi: ‘Ngalendzawo nitsi: “Lendzawo ilihlane lelingenalutfo, ayinabantfu nome tilwane.” Noko emadolobheni akaJuda nasetitaladini taseJerusalema letibhidlitiwe letingasahlalwa bantfu nome tilwane, kuyawuphindze kuvakale

Jeremiya 34:1

Kwatsi ngesikhatsi Nebukhadnezari, inkhosi yaseBhabhulona, nawo onkhe emabutfo akhe, nayo yonkhe imibuso yakhe, netive tonkhe letatingaphansi kwakhe tisalwa neJerusalema nawo onkhe emadolobha layitungeletile, kwefika livi kuJeremiya liphuma kuSimakadze, latsi:

Jeremiya 34:22

Simakadze utsi: Ngiyawukhipha umlayeto ngibabuyise kulelidolobha. Bayakulwa nalo, balitfumbe bese bayalishisa. Emadolobha akaJuda ngiyakuwenta abe tindzala, kuze kusale kukhala libhungane kuwo.”

Jeremiya 39:3

Tonkhe tiphatsimandla tenkhosi yaseBhabhulona tase tiyangena tatsatsa tindzawo tato eSangweni Lelisekhatsi Nendzawo: boNegali Sareseri waseSamgari, naNebo Sasekhimi, labengumphatsi wetindvuna, naNegali Sareseri labesiphatsimandla lesikhulu, kanye nato tonkhe letinye tiphatsimandla tenkhosi yaseBhabhulona.

Jeremiya 4:16

“Khulumani loku etiveni, nikumemetele eJerusalema, nitsi: ‘Imphi letewuvimbetela iphuma eveni lelikhashane, isuse umsindvo wekuhlaba inyandzaleyo, kutsi kuhlaselwe emadolobha akaJuda.

Jeremiya 4:6

Hlabani inyandzaleyo kuyiwe eSiyoni! Balekani nitewusindza, ningephutisi. Ngobe ngiletsa inhlekelele lechamuka ngasenyakatfo, yebo, imbhubhiso leyesabekako.”

Jeremiya 43:10

Ubobe sewukhuluma kuwo utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Ngitawutfumela inceku yami Nebukhadnezari, inkhosi yaseBhabhulona, ngiyawumisa sihlalo sakhe sebukhosi etikwalamatje lengiwagcibedzele lapha. Uyakwendlala umpheme wakhe webukhosi etikwawo.

Jeremiya 44:6

Ngako-ke, intfukutselo yami leyesabekako yatfululwa; yawavutsela lamadolobha akaJuda kanye netitaladi taseJerusalema, ngatenta taba tindzala letasala tikhala libhungane, njengobe kunjalo nalamuhla.

Jeremiya 46:24

“INdvodzakati yaseGibhithe iyawuhlazeka, inikelwe kubantfu basenyakatfo.”

Jeremiya 5:15

Yebo, wenandlu yaka-Israyeli,” kusho Simakadze, “ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva.

Jeremiya 6:22

Naku lokushiwo nguSimakadze, utsi: “Buka, kuta imphi, lechamuka eveni langasenyakatfo, sive lesikhulu sichukulutiwe, sisukela emikhawulweni yemhlaba.

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Sililo 5:11

Bafati badlwenguliwe eSiyoni, netintfombi tadlundlulutwa emadolobheni akaJuda.

Hezekeli 32:30

“Tonkhe tiphatsimandla tasenyakatfo nabo bonkhe baseSidoni balapho; behlela phansi kanye nalabagwaziwe bahlazekile, lite nome kwase kunekwesaba lokwase kubangwe ngemandla abo. Balele bangakasokwa kanye nalabo lababulewe ngenkemba, betfwala lihlazo labo kanye nalabo labehlela emgodzini.

Joweli 2:20

“Imphi yesitsa sangasenyakatfo ngitayicosha isuke kini, ngiyivimbetele eveni lelilihlane. Lingembili layo licondze elwandle lwangasemphumalanga, lingemuva layo licondze elwandle lwangasenshonalanga. Luboti lwayo luyawuphakama, nekunuka kwayo kwenyuke.” Ngempela wente tintfo letinkhulu.

Zakhariya 6:6

Lencola ledvonswa ngemahhashi lamnyama iya eveni langasenyakatfo, lena ledvonswa ngemahhashi lamhlophe icondze ngasenshonalanga, bese kutsi lena ledvonswa ngemahhashi lamabalabala ibheka ngaseningizimu.”