Jeremiya 1:12 - Siswati 1996 Bible

¹² Simakadze wakhuluma kimi, watsi: “Ubone kahle impela, ngobe ngicaphele kona kutsi livi lami ligcwaliseke.”

Jeremiya 1:12 Referencias Cruzadas

Isaya 55:11

linjalo-ke nelivi lami leliphuma emlonyeni wami: Lingeke libuye kimi yabayaba, kodvwa liyawukwenta loko lengikuhlosile, liwufeze umgomo walo lengilikhiphele wona.

Jeremiya 1:13

Livi laSimakadze laphindza lefika kimi, latsi: “Ubonani?” Mine ngaphendvula ngatsi: “Ngibona libhodo lelibilako, litjekile lafulatsela inyakatfo.”

Jeremiya 24:3

Simakadze wangibuta watsi: “Ye Jeremiya, ubonani?” Mine ngaphendvula ngatsi: “Ngibona emakhiwa. Lawa lamahle, mahle kakhulu, kodvwa lawa lamabi, mabi kangangekutsi angeke adleke.”

Jeremiya 31:28

Njengobe ngangibalindzile kutsi ngibazuphune, ngibadladlabule, ngibaketule, ngibabhubhise, ngibaletsele inhlekelele, kanjalo ngiyawubalindza kuze ngibakhe ngibahlanyele,” kusho Simakadze.

Hezekeli 12:25

Kodvwa mine, Simakadze, ngiyawukhuluma loko lengikutsandzako, futsi kuyagcwaliseka ngaphandle kwekulibala. Ngobe ngemalanga enu, ninendlu lehlubukako, ngiyawukufeza konkhe lengikukhulumile, kusho iNkhosi Simakadze.’ ”

Hezekeli 12:28

“Ngako-ke khuluma kubo, utsi: ‘Naku lokushiwo yiNkhosi Simakadze, itsi: Kute nalinye lemavi ami leliyawulibala, konkhe lengikushoko kuyawugcwaliseka, kusho iNkhosi Simakadze.’ ”

Amose 8:2

Simakadze wase uyangibuta utsi: “Ubonani, ye Amose?” Ngamphendvula ngatsi: “Ngibona libhasikidi lelinetitselo letivutsiwe.” Simakadze wase ukhuluma kimi utsi: “Sikhatsi sesive sami saka-Israyeli sesiphelile, ngingeke ngisasicolela.”

Lukha 10:28

Jesu watsi kuye: “Imphendvulo yakho ilungile; yenta loko uyawuphila.”

Lukha 20:39

Letinye tati temtsetfo takhuluma tatsi: “Uphendvule kahle, Mfundzisi,”

Dutheronomi 18:17

Simakadze wakhuluma kimi, watsi: ‘Loko labakushoko kuhle.

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”

Dutheronomi 5:28

“Simakadze waniva nanikhuluma kimi, wase ukhuluma kimi utsi: ‘Ngikuvile loku lokukhulunywe ngulabantfu kuwe. Konkhe loko labakukhulume kuwe kulungile kuhle.