Isaya 9:4 - Siswati 1996 Bible

⁴ Ngobe njengasemihleni yekwehlulwa kwakaMidiyani, ulifohlotile lelijoko belingumtfwalo kubo, nemgcala losindzako lobewusemahlombe abo, nendvuku yemcindzeteli wabo.

Isaya 9:4 Referencias Cruzadas

Genesisi 27:40

Uyawuphila ngenkemba yakho, usebente umnakenu, kodvwa kuyawutsi nawudlubulundzela, uyawulephula lijoko lakhe entsanyeni yakho.”

Tihlabelelo 125:3

Umbuso walababi ungeke ubuse eveni lalabalungile, funa nalabalungile bese benta lokubi.

Tihlabelelo 81:6

“Mine ngesusa umtfwalo emahlombe enu, nganiphumuta ekwetfwaleni kwenu titini.

Isaya 10:16

Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 14:25

Ema-Asiriya ngitakuwapitjita eveni lami, ngiwagcobagcobele etintsabeni tami. Lelijoko lawo belibekwe etikwesive sami litawususwa etikwaso; nalomtfwalo besetfweswe wona utakwetfulwa ususwe etikwaso.

Isaya 16:4

Hlalani nabo lababaleke kulakaMowabi, nibe sivikelo sabo kumbulali.” Umcindzeteli utawuphela, bese iyema imbhubhiso; umuntfu welutfutfuva utawunyamalala eveni;

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Isaya 54:14

Uyawusinyiswa ekulungeni: Kubuswa ngelunya kuyawuba khashane nawe; kute loyawukwesaba. Luvalo luyawususwa lulahlwe khashane, lungasondzeli kuwe.

Isaya 9:5

Tonkhe ticatfulo temasotja labetisebentisa emphini, nato tonkhe tembatfo tawo letibhucabhucwe engatini titawushiswa, tibe kudla kwemlilo.

Jeremiya 30:8

“ ‘Ngalelo langa ngiyawulephula lijoko etintsanyeni tabo, ngitidzabule tibopho tabo; betive abaseyiwubagcilata,’ kusho Simakadze longuSomandla.

Jeremiya 48:17

Mdvudvuteni nine nonkhe labahlala edvute naye, nonkhe nine lenati ludvumo lwakhe, tsanini: ‘Yephuke njani lendvuku lenemandla kangaka; yephuke kanjani lendvuku yebukhosi!’

Levithikusi 26:13

Mine nginguSimakadze, Nkulunkulu wenu, lowanikhipha eGibhithe, kuze ningabe nisaba tigcili temaGibhithe. Ngephula tikeyi telijoko lenu, nganenta nahambela etulu nikhululekile.’ ”

Nahume 1:13

Nyalo sengitawuncamula lijoko labo lelisentsanyeni yenu, ngidzabule naletinketane tabo letinibophile.”