Isaya 9:3 - Siswati 1996 Bible

³ Sewusandzisile sive, wandzisa nekujabula kwaso; siyajabula embikwakho njengebantfu bajatjuliswa sivuno, nanjengebantfu nabajatjuliswa kwaba imphango.

Isaya 9:3 Referencias Cruzadas

Nehemiya 9:23

Wandzisa emadvodzana abo aba manyenti, aba ngangetinkhanyeti tesibhakabhaka, wabaletsa eveni lowatjela boyise kutsi babongena kulo balidle.

Jobe 12:23

Wenta tive tibe tinkhulu, aphindze atibhubhise, wandzisa tive, aphindze atisakate.

Tihlabelelo 107:38

Wababusisa, bandza kakhulu, netifuyo tabo tandza kakhulu.

Tihlabelelo 119:162

Livi lakho ngiyalijabulela, ngijabule njengemuntfu lotfole umcebo.

Tihlabelelo 4:7

Ungiphe injabulo lenkhulu enhlitiyweni yami, leyengca injabulo lababa nayo nabanenala yemabele neyeliwayini.

Isaya 10:26

Simakadze longuSomandla uyakuwashaya ngesiswebhu, njengamzukwana ashaya emaMidiyani edvwaleni lase-Orebi, uyawuphakamisa indvuku yakhe ngetulu kwemanti, njengobe enta eGibhithe.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 14:5

Simakadze uyephulile indvuku yalababi, yebo, uyephulile indvuku yebabusi,

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 26:15

Simakadze, usikhulisile sive, yebo, wena usandzisile sive. Utizuzele wena ludvumo. Uyinwebile yonkhe iminyele yelive.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 54:1

“Hlabela, wena mfati loyinyumba, wena longazange sewumtale umntfwana; hlokoma uhlabele, memeta ngekujabula, wena longazange sewuhelwe, ngobe banyenti bantfwana bemfati lolahliwe kunebemfati lonendvodza,” kusho Simakadze.

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 61:7

Esikhundleni selihlazo lenu, nine bantfu bami, niyawuphiwa ngalokuphindziwe; esikhundleni sekuhlazeka niyawujabula efeni lenu; ngako niyawudla lifa ngalokuphindziwe eveni lenu, kujabula kwaphakadze kuyawuba kwenu.

Isaya 65:14

Tinceku tami tiyawuhlabela ngenca yekujabula lokuphuma etinhlitiyweni tato; kodvwa nine niyawukhala ngenca yekudzabuka kwetinhlitiyo, nilile ngenca yekudzabuka kwemoya.

Isaya 65:18

Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.

Isaya 66:10

“Tfokotani kanye neJerusalema, niyitsakasele, nonkhe nine leniyitsandzako, jabulani nayo kakhulu, nonkhe nine leniyililelako.

Jeremiya 31:7

Naku lokushiwo nguSimakadze, utsi: “Hlabelani ngenjabulo kuJakobe; memetelani kulesive lesikhulu kunato tonkhe. Vakalisani kumdvumisa kwenu, nitsi: ‘Awu Simakadze, sindzisa sive sakho, imisalela yaka-Israyeli!’

Hoseya 4:7

Ngekwandza kwebaphristi kanjalo kwandza nekona kwabo kimi, ngitakwenanisa ngebukhosi babo batselwe lihlazo.

Levithikusi 26:13

Mine nginguSimakadze, Nkulunkulu wenu, lowanikhipha eGibhithe, kuze ningabe nisaba tigcili temaGibhithe. Ngephula tikeyi telijoko lenu, nganenta nahambela etulu nikhululekile.’ ”

Zakhariya 10:8

“Ngiyawubakhweba ngibabutse bangene. Ngempela ngiyawubahlenga; bayawuba banyenti njengakucala.

Zakhariya 2:11

“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.

Zakhariya 8:23

Naku lokushiwo nguSimakadze longuSomandla, utsi: “Ngalawo malanga emadvodza lalishumi lasuka kuto tonkhe tilwimi netive ayawunkonkoshela umJuda munye ngemphetfo wesembatfo sakhe, atsi: ‘Asihambisane nani, ngobe sivile kutsi Nkulunkulu unani.’ ”

Lukha 11:22

Kodvwa nangabe umuntfu lonemandla kunaye alwa naye amehlule, uchwaga tonkhe letikhali abegungubele ngato, atenetise bangani bakhe.

Imisebenti yebaPhostoli 8:8

Kwaba nekutfokota lokukhulu kulelo dolobha.

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

Tikhulu 5:3

“Lalelani lapha, nine makhosi! Lalelani nani babusi. Ngiyakuhlabela kuSimakadze. Ngiyakuhlabela ngidvumise Simakadze, Nkulunkulu wema-Israyeli.

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

Tikhulu 8:12

BoZeba naSalmuna, emakhosi lamabili emaMidiyani, babaleka, kodvwa wabacosha, wabakhandza, wabatfumba, wadvungulula yonkhe imphi yabo.

1 Samuweli 30:16

Wamikisa Davide, wabakhandza bakhona lapho, basakateke nato tonkhe leto tikhotsa, badla, banatsa, batitika ngemphango, ngenca yebunyenti baloko lababekutfumbile eveni lemaFilisti nelakaJuda.