Isaya 9:18 - Siswati 1996 Bible

¹⁸ Ngempela bubi buvutsa njengemlilo; budla bucotfule tinchachabutane nemanyeva, bulumeka emahlatsi etihlahla ngemalangabi, kutsi titewushunca tibheke etulu ngaletikhulu tikhatsa tentfutfu.

Isaya 9:18 Referencias Cruzadas

1 Emakhosi 16:21

Sive saka-Israyeli sase sehlukana ekhatsi, labanye bema ngakuThibni, umsa waGinathi, kutsi nguye inkhosi, labanye bema ngaku-Omri.

Tihlabelelo 37:20

Kodvwa lababi bayawubhubha, netitsa taSimakadze tishabalale njengeluhlata lwemadlelo, bayawunyamalala baphele njengentfutfu.

Tihlabelelo 68:2

Bayaphephuka njengekupheshulwa kwentfutfu, bayancibilika njengemtfwebeba nawuseceleni kwemlilo. Bacitfwa kanjalo-ke lababi embikwaNkulunkulu.

Tihlabelelo 83:14

Njengemlilo ushisa lihlatsi, nanjengemalangabi ababela tintsaba,

Isaya 1:31

Emadvodza lanemandla ayawuba timbhaca, umsebenti wawo ufanane nenhlase: kokubili kuyawusha ndzawonye, kubete longawucisha lowo mlilo.”

Isaya 1:7

Live lenu selilihlane, emadolobha enu asashiswe ngemlilo; bachamuki batsatsa sivuno semasimi enu embikwenu nibuka. Live lenu selilihlane, labhujiswa ngabo.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 27:4

Angikatfukutseli. Kube mane bekunetinchachabutane nemanyeva langisukelako! Bengitawushuca ngiyekuwahlasela emphini; bengitawahloseka onkhe ngemlilo.

Isaya 3:5

Bantfu bayawucindzetelana, umuntfu acindzetele lomunye, makhelwane acindzetele makhelwane. Labasha bayawuvukela labadzala, bantfu phaca bavukele lababaphetse.

Isaya 30:30

Simakadze uyakwenta bantfu kutsi babuve bukhosi belivi lakhe, uyawubabonisa kwehla kwemkhono wakhe ngentfukutselo lekhephukako nangemlilo lodlako, nangekucheketeka kwemafu, nangekudvuma, nangesangcotfo.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 33:12

Tive tiyakushiswa kube shangatsi ngumcakaco; njengetihlahla temanyeva letigawuliwe, tiyawulunyekwa ngemlilo.”

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Isaya 50:11

Kodvwa nyalo, nonkhe nine lenilumekela imilidlwana, nitentele nine tidlwane letivutsako, hambani-ke ningene kuloko kukhanya kwaleyo milidlwana yenu nekwaleto tidlwane tenu lesenitilumekele tona. Naku leniyawukutfola esandleni sami: Niyawulala phansi etinhlungwini letimatima.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Hoseya 13:3

Ngako-ke bayawufanana nenkhungu yasekuseni, babe njengematolo asekuseni lanyamalalako, bafanane nemakhoba laphephuka ebaleni lekubhula, babe njengentfutfu lephuma ngelifasitelo ibaleke.

Joweli 2:20

“Imphi yesitsa sangasenyakatfo ngitayicosha isuke kini, ngiyivimbetele eveni lelilihlane. Lingembili layo licondze elwandle lwangasemphumalanga, lingemuva layo licondze elwandle lwangasenshonalanga. Luboti lwayo luyawuphakama, nekunuka kwayo kwenyuke.” Ngempela wente tintfo letinkhulu.

Joweli 2:3

Embikwaleso sive ngumlilo lokhotsako, emvakwaso lilangabi lelilavukako. Embikwaso live lifanana nensimi yase-Edeni, emvakwaso lilihlane lelingenalutfo. Kute lokusalako lapho sihambe khona.

Amose 7:4

Naku-ke iNkhosi Simakadze lengibonise kona: INkhosi Simakadze beyisabita kwehlulela kwemlilo, lomlilo womisa lwandle lolungaphansi kwemhlaba, waze lomlilo wacala kudla live.

Obadiya 1:18

Umndeni wakaJakobe uyawuba ngumlilo, umndeni wakaJosefa ube lilangabi. Umndeni waka-Esawu uyawuba tibi, bayakuwokhela ngemlilo bawushise uze uphele. Kuyawubate insali emndenini waka-Esawu. Mine, Simakadze, sengishito.”

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

KumaHebheru 6:8

Kodvwa nangabe umhlaba umilisa emanyeva netinchachabutane, awunamsebenti walutfo, futsi usengotini yekucalekiswa nguNkulunkulu; nesiphetfo sawo kushiswa ngemlilo.

Sembulo 14:11

Intfutfu yekuhlupheka kwabo yenyuka, kuze kube nini nanini. Abanako kuphumula, imini nebusuku, labo labakhonta silo nemfanekiso waso, nome ngangubani lowemukela luphawu lwelibito laso.”