Isaya 8:9 - Siswati 1996 Bible

⁹ Hlabani inyandzaleyo, nine tive, nitfutfumele! Lalelani, nine nonkhe mave lakhashane. Tilungiseleleni kulwa imphi, nesabe! Tilungiseleleni kulwa imphi, nehlulwe!

Isaya 8:9 Referencias Cruzadas

1 Emakhosi 20:11

Inkhosi yaka-Israyeli yaphendvula, yatsi: “Nibomtjela kutsi saga sitsi: ‘Lowo lotewuhlasela akatigabatisi asengakalwi, kodvwa loko ukwenta emvakwemphi asalwile.’ ”

Taga 11:21

Kuliciniso kutsi bantfu lababi bayawujeziswa; kodvwa bantfu labalungile bayawusindza.

Isaya 28:13

Ngako-ke livi laSimakadze kubo liyawuba kutsi: “Savu lasavu, savu lasavu, khavu lakhavu, khavu lakhavu, ziyere shamu, ziyere shamu,” kuze batewuhamba baze bawe ngetiphundvu, balimale babanjwe, bese bayatfunjwa.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 54:15

Nakukhona lokuhlaselako, kuyawube kungaveli kimi; nome ngubani lokuhlaselako uyawutinikela kuwe.

Jeremiya 42:11

Ningayesabi inkhosi yaseBhabhulona leseniyesaba nyalo. Simakadze utsi: Ningayesabi, ngobe nginani, futsi ngitanisindzisa nginikhulule etandleni tayo.

Jeremiya 46:3

“Lungisani emahawu enu, yebo, lamancane nalamakhulu, niphume nishuce niye emphini!

Jeremiya 46:4

Bophelani emahhashi enu, nigibele, nine bagibeli bemahhashi! Manini ngetigaba tenu teticheme, nifake netimphantitje tenu etinhloko! Lolani tikhali tenu, nigcoke nemajazi ensimbi enu emphi!

Jeremiya 51:20

“Ulizembe lami lemphi, nesikhali sami semphi, ngawe ngiphihlita tive, ngawe ngibhubhise imibuso.

Hezekeli 38:7

“ ‘Caphela, tilungiselele, wena kanye nalolucucaba lwebantfu lababutsene lapha kuwe, ubahole.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Joshuwa 11:5

Onkhe lamakhosi ahlangana ndzawonye emisa ngaseMantini aseMeromu kutekulwa nema-Israyeli.