Isaya 8:22 - Siswati 1996 Bible

²² Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Isaya 8:22 Referencias Cruzadas

Jobe 18:18

Sewucoshiwe ekukhanyeni wayiswa ebumnyameni, ulahliwe futsi lapha kulomhlaba.

Eksodusi 10:21

Simakadze wakhuluma kuMosi, watsi: “Phakamisela sandla sakho etulu esibhakabhakeni, khona kutewuba nebumnyama lobutsintsekako eveni lonkhe laseGibhithe.”

Eksodusi 10:22

Mosi waphakamisela sandla sakhe etulu esibhakabhakeni, kwaba nebumnyama lobulicinsi, lobasibekela lonkhe live laseGibhithe emalanga lamatsatfu.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Isaya 30:6

Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,

Isaya 5:30

Ngalelo langa bayawubhodla etikwa-Israyeli njengekubhodla kwelwandle. Umuntfu uyawutsi nakabuka live, abone bumnyama lobesabekako; ngisho nekukhanya imbala emafu ayawukwenta kube bumnyama.

Isaya 50:11

Kodvwa nyalo, nonkhe nine lenilumekela imilidlwana, nitentele nine tidlwane letivutsako, hambani-ke ningene kuloko kukhanya kwaleyo milidlwana yenu nekwaleto tidlwane tenu lesenitilumekele tona. Naku leniyawukutfola esandleni sami: Niyawulala phansi etinhlungwini letimatima.

Isaya 50:3

Ngembatsisa sibhakabhaka ngebumnyama, ngente emasaka kube simbonyo saso.”

Isaya 59:9

Ngako kwehlulela ngebucotfo kukhashane natsi, nekulunga akufinyeleli kitsi. Sifuna kukhanya, kodvwa konkhe kumnyama, sifune bucwebecwebe, kodvwa sihambe kulamnyama ematfunti.

Isaya 60:2

Buka la, bumnyama buyawusibekela umhlaba, nebumnyama lobumatima busetikwetive, kodvwa Simakadze uyaphuma etikwakho, nenkhatimulo yakhe ibonakala etikwakho.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Isaya 9:1

Noko kungeke kusaba nelitfunti kulabo labebahluphekile. Kadzeni walitfobisa live lakaZebuloni nelive lakaNaftali, kodvwa ngesikhatsi lesitako uyakuliphakamisa live laseGalile lebetive, endleleni leya elwandle, ngesheya kweJordane.

Isaya 9:20

Ngesekudla bayawushwabudzela, kodvwa bachubeke balambe; ngesancele bayawudla, kodvwa bangeke besutse. Ngulowo nalowo uyakutondla ngenyama yentalelwane yakakhe;

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 23:12

“Ngako-ke indlela yabo itawushelela, bayawutfunjelwa ebumnyameni, lapho bayawuwela khona. Ngiyakwehlisela inhlekelele etikwabo ngemnyaka labayawujeziswa ngawo,” kusho Simakadze.

Matewu 22:13

Inkhosi yatjela tisebenti tayo yatsi: ‘Mbopheni tandla netinyawo, nimlahle ngephandle ebumnyameni. Lapho kuyawuba khona kukhala nekugedletelisa ematinyo.’

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Matewu 8:12

Kodvwa bantfwana bembuso bayawukhishelwa ebumnyameni bangaphandle, lapho kuyawuba khona kukhala nekugedletela kwematinyo.”

YaJuda 1:13

Bantfu labanjena banjengemagagasi elwandle, bakhephuta emahlazo abo; batinkhanyeti leteduka lese tagcinelwa bumnyama bebumnyama baphakadze.

Sembulo 16:10

Ingilosi yesihlanu yatfululela sitja sayo esihlalweni sebukhosi sesilo; umbuso waso wehlelwa bumnyama, bantfu batiluma tilwimi ngenca yebuhlungu.