Isaya 8:10 - Siswati 1996 Bible

¹⁰ Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Isaya 8:10 Referencias Cruzadas

Genesisi 21:22

Ngaso leso sikhatsi Abimeleki waya ku-Abrahama ahamba naPhikoli, indvuna yemabutfo akhe, wafike watsi: “Nkulunkulu unawe kuko konkhe lokwentako.

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

2 Samuweli 17:4

Lelisu labonakala lilungile ku-Absalomu, nakubo bonkhe baholi baka-Israyeli.

2 Emakhosi 6:12

Lenye yaletindvuna tayo yaphendvula, yatsi: “Kute namunye lapha kitsi, nkhosi yami, nkhosi, kute loyimpimpi. Kodvwa ngu-Elisha, umphrofethi waka-Israyeli, lotjela inkhosi yema-Israyeli onkhe emagama lowakhuluma usendlini yakho yekulala.”

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

Jobe 5:12

Ucitsa emacebo emacili, kuze labakwenta ngetandla tabo kungaphumeleli.

Tihlabelelo 21:12

Uyawubenta babaleke, ubadubule ngemicibisholo yakho.

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:8

Wotani nitewubona imisebenti yaSimakadze, emhlabeni wente tintfo letimangalisako.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 14:27

Ngobe Simakadze longuSomandla sewutimisele ngaloko, ngubani nje longamvimbela kuloko? Sandla sakhe selulekile, ngubani nje longasijikisa?

Isaya 28:18

Sivumelwane senu lenisente nekufa siyakwentiwa sibe lite; sivumelwane senu lenisente nelithuna singeke sime. Kuyawutsi sivunguvungu sekushisa nasiphephula sendlula kini, sinishaye sinilahle phansi.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 43:5

Ungesabi, ngobe nginawe; bantfwabakho ngitabaletsa kusuka emphumalanga, ngikubutse wena kusukela enshonalanga.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Isaya 8:8

uze utseleke kulakaJuda uligumbucele lonkhe, ulikhukhule uze uyewukhawula entsanyeni. Ngetimphiko tawo uyawulimbonya bubanti balo lonkhe lelo live lakho, awu Imanyuweli!”

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 42:11

Ningayesabi inkhosi yaseBhabhulona leseniyesaba nyalo. Simakadze utsi: Ningayesabi, ngobe nginani, futsi ngitanisindzisa nginikhulule etandleni tayo.

Jeremiya 46:28

Ungesabi, wena Jakobe, nceku yami, ngobe nginawe,” kusho Simakadze. “Noko, nome ngitibhubhisa ngiticedza tonkhe tive, lapho ngikucoshele khona, wena angiyiwukubhubhisa ngikucedze. Ngiyawukujezisa nje kuphela, nako loko ngikwente ngalokufanele umtsetfo, ngobe ngingeke ngikuyekele nje ngingakushayi.”

Sililo 3:37

Ngubani longakhuluma, ente kwenteke, nangabe Simakadze angakakumiseli kutsi kube njalo?

Joweli 3:9

“Memetelani naku etiveni: “ ‘Tilungiseleleni imphi! Vusani emabutfo! Emasotja akasondzele atewuhlasela.

Hagayi 1:13

Hagayi, sitfunywa saSimakadze, wetfula nasi simemetelo saSimakadze kubantfu, watsi: “Nginani, kusho Simakadze.”

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

KubaseRoma 8:13

Ngobe naniphila ngekwenyama, nitawufa; kodvwa nangabe nibulala imisebenti yenyama ngaMoya, nitawuphila.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 20:1

“Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

1 yaJohane 4:4

Bantfwabami, nine nibaNkulunkulu, senibehlulile baphrofethi bemanga, ngobe lowo lokini mkhulu kunalowo losemhlabeni.