Isaya 7:19 - Siswati 1996 Bible

¹⁹ Tiyawubuya tonkhe titewubutsana etihosheni letehlelako kanye nasemifantfwini yemadvwala, nasetikwato tonkhe tihlahla temanyeva nasetimbotjeni tonkhe temanti.

Isaya 7:19 Referencias Cruzadas

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Isaya 2:19

Bantfu bayawubalekela emigedzeni yasemadvwaleni, nasemigodzini lesemhlabatsini, babalekele kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 2:21

Bayawubalekela emihumeni lesemadvwaleni kanye naseticongweni tetihhehle, babalekela kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Isaya 7:24

Emadvodza ayakuya lapho aphetse butjoki bawo nemicibisholo yawo, ngobe lelo live liyawube selene ngetitfwetfwe nangemanyeva.

Isaya 7:25

Mayelana nato tonkhe tintsatjana letake talinywa ngemakhuba etandla, ningeke nisaya kuto, ngenca yekwesaba titfwetfwe nemanyeva; setiyawuba tindzawo lapho kudla khona imihlambi yetinkhomo, kugcobagcobe khona netimvu.

Jeremiya 16:16

“Kodvwa nyalo sengitawutfumela badwebi babe banyenti, futsi batababamba baka-Israyeli. Emvakwaloko ngitawutfumela batingeli babe banyenti, batawubatingela yonkhe indzawo, ngisho nasetintsabeni, nasemagcumeni, nasemifantfwini yemadvwala,” kusho Simakadze.

Mikha 7:17

Tiyawuhuma phansi elutfulini njengetinyoka; tiyawuphuma etinqabeni tato titfutfumela ngenca yekwesaba. Ngekwesaba tiyawugucukela kuSimakadze longuNkulunkulu wetfu.

Zakhariya 10:8

“Ngiyawubakhweba ngibabutse bangene. Ngempela ngiyawubahlenga; bayawuba banyenti njengakucala.

Matewu 7:16

Niyawubati ngemisebenti yabo, njengetihlahla tatiwa ngetitselo tato. Emagelebisi angakhiwa yini etihlahleni temanyeva, nome emakhiwa elugaganeni?