Isaya 7:18 - Siswati 1996 Bible

¹⁸ Ngalelo langa Simakadze uyawushaya inkwela abite timphungane letingasemifuleni yaseGibhithe kanye netinyosi taseveni lase-Asiriya.

Isaya 7:18 Referencias Cruzadas

Tihlabelelo 105:31

Wakhuluma, kwavela emabulo etibawu, kanye netimphungane eveni labo lonkhe.

Tihlabelelo 118:12

Tangibunganyela njengelibulo letinyosi, tasha njengemlilo wemanyeva; kodvwa ngelibito laSimakadze ngatishaya ngatibhuca.

Eksodusi 8:21

Nawungabakhululi bantfu bami kutsi bahambe, ngitawutfumela libulo letibawu kuwe, nakutiphatsimandla takho, nasesiveni sakho, nasetindlini takho. Tindlu temaGibhithe tiyawugcwala tibawu, tembese ngisho nelive lawo lonkhe.

Eksodusi 8:24

Simakadze wavele wakwenta loko. Watfumela lifu letibawu esigodlweni saFaro, nasetindlini tetiphatsimandla takhe, naseveni lonkhe laseGibhithe. Tibawu talibhubhisa live lonkhe laseGibhithe.

Isaya 13:5

Baphuma emaveni lakhashane, lasekugcineni kwemazulu, nguye Simakadze netikhali telulaka lwakhe, utewubhubhisa wonkhe umhlaba.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 5:26

Tive letikhashane uyakutiphakamisela siboniso, ashaye impembe atibite khona emaphetselweni emhlaba. Ngekushesha lokukhulu tiyakuta.

Isaya 7:17

Simakadze uyawuletsa kuwe nasetikwesive sakini, nasetikwendlu yeyihlo, sikhatsi lesingazange sesibe khona kusukela baka-Efrayimu bahlephuka kubakaJuda; uyawuletsa inkhosi yase-Asiriya.”

Zakhariya 10:8

“Ngiyawubakhweba ngibabutse bangene. Ngempela ngiyawubahlenga; bayawuba banyenti njengakucala.

Dutheronomi 1:44

Ema-Amori, labehlala kuleto tintsaba, aphuma anihlasela, anicosha anitselekela njengelibulo letinyosi, anishaya anilahla phansi kusukela eSeyiri kuze kuyewufika eHoma.

Dutheronomi 28:49

“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,

Dutheronomi 7:20

Ngetulu kwaloko Simakadze Nkulunkulu wenu utawutfumela kutfutfumela nekwesaba emkhatsini wato, kuze kutsi ngisho nalabo labasasele banibhacele nabo babhujiswe.

Joshuwa 24:12

Ngatfumela bomanyovu ngembili kwenu, lababadvungulula, nine nisengakefiki, kanjalo futsi nemakhosi ema-Amori lamabili. Loko anizange nikwente ngenkemba nangebutjoki benu.