Isaya 7:11 - Siswati 1996 Bible

¹¹ “Ticelele sibonakaliso kuSimakadze Nkulunkulu wakho, nome sibe ngulesisekujuleni nome-ke lesiphakeme njengelizulu.”

Isaya 7:11 Referencias Cruzadas

1 Emakhosi 13:3

Ngasona leso sikhatsi lomuntfu waNkulunkulu wabanika sibonakaliso watsi: “Nasi-ke sibonakaliso lesetfulwa nguSimakadze: Lelilati litawuchekeka ekhatsi, umlotsa losetikwalo ucitseke.”

2 Emakhosi 19:29

“Loku-ke kuyawuba sibonakaliso kuwe, Hezekiya: “Kulomnyaka uyawudla loko lokutimilele, ngemnyaka wesibili udle emahlumela ako. Kodvwa ngemnyaka wesitsatfu uyawuhlanyela uvune. Uyawuhlanyela tivini ubuye udle emagelebisi ato.

Eksodusi 7:9

“Faro nakatsi: ‘Ase nente ummangaliso lotanifakazela,’ ubotsi ku-Aroni: ‘Tsatsa indvuku yakho uyijike phansi embikwaFaro, itawugucuka ibe yinyoka.’ ”

Isaya 37:30

“Loku-ke kuyawuba sibonakaliso kuwe, Hezekiya: “Kulomnyaka utawudla loko lokutimilele, ngemnyaka wesibili udle emahlumela ako, kodvwa ngemnyaka wesitsatfu uyawuhlanyela uvune, uyawuhlanyela tivini ubuye udle emagelebisi ato.

Isaya 38:22

Hezekiya abebute watsi: “Sitawuba yini sibonakaliso sekutsi ngitawukhuphukela ethempelini laSimakadze?”

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Isaya 7:10

Simakadze wabuye wakhuluma ku-Ahazi, watsi:

Isaya 7:12

Kodvwa Ahazi watsi: “Ngingeke ngisicele. Ngingeke ngivivinye Simakadze.”

Jeremiya 19:1

Naku lokushiwo nguSimakadze, utsi: “Hamba uyewutsenga ludziwo lapha kumbumbi. Tsatsa labanye balabadzala kanye nebebaphristi,

Jeremiya 19:10

“Bese-ke ubhidlita loludziwo embikwalabo lotabe uhamba nabo bakubukile,

Jeremiya 44:29

“ ‘Loku kuyawuba sibonakaliso kini kutsi ngiyawunijezisa kulendzawo, khona nitewukwati kutsi kusonga kwami ngani nakanjani kuyakuma kungagucuki,’ kusho Simakadze.

Lukha 2:12

Loku kutaba sibonakaliso kini: Niyawukhandza umntfwana agocotwe ngetindvwangu alele emkhombeni wekudlela tinkhomo.”