Isaya 66:19 - Siswati 1996 Bible

¹⁹ “Ngiyawubeka sibonakaliso emkhatsini wabo, bese ngitfumela labanye balabo labaphephile etiveni: eThashishi, nakumaLibhiya, nemaLudi, labadvume ngekuba banembi ngebutjoki, naseThubhali, naseGrisi, nasetichingini letikhashane letingazange setive ngeludvumo lwami nome tibone bukhosi bami. Bayawumemetela bukhosi bami kubetive.

Isaya 66:19 Referencias Cruzadas

Genesisi 10:13

Gibhithe watala emaLudi, nema-Anami, nemaLehabi, nemaNafethuhi,

Genesisi 10:2

Emadvodzana aJafethi bekuboGomeri, naMagogi, naMadayi, naJavani, naThubali, naMesheki, naThirasi.

Genesisi 10:22

Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu.

Genesisi 10:4

Emadvodzana aJavani bekubo-Elisha, naThashishi, nemaKhithi, nemaRodani.

Genesisi 9:27

Shangatsi Nkulunkulu angamandzisa Jafethi, ahlale emathendeni aShemi; Khenani abe sigcili saJafethi.”

1 Tikhronike 1:11

Gibhithe abenguyise wemaLudi, nema-Anami, nemaLehabi, nemaNafethuhi,

1 Tikhronike 1:7

Emadvodzana aJavani bekubo-Elisha, naThashishi, nemaKhithi, nemaRodani.

1 Tikhronike 16:24

Vakalisani bukhosi bakhe etiveni, tento takhe letimangalisako nitimemetele etiveni tonkhe.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Isaya 11:12

Uyakuphakamisela tive siboniso, abutse batfunjwa baka-Israyeli; uyawuhlanganisa bantfu bakaJuda labasakatekele emagumbini omane emhlaba.

Isaya 18:3

“Nonkhe nine tive temhlaba, nine lenihlala kulomhlaba, nakuphakanyiswa siboniso semphi entsabeni, nibobuka, nakukhala licilongo, nilalelisise.

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Isaya 2:16

lilanga lelimiselwe yonkhe imikhumbi yekuhweba, libekelwe yonkhe imikhumbi lemikhulu letfwele imicebo nemagugu.

Isaya 29:24

Labo labanhlanhlatselako emoyeni bayawuba nelwati, labo labakhononako bayakwetsabela kufundziswa.”

Isaya 42:12

Abanike Simakadze ludvumo, bamemetele ludvumo lwakhe etichingini.

Isaya 42:4

ngeke angabate nome ajabhiswe, aze emise umtsetfocotfo wami emhlabeni. Tichingi tiyawubeka litsemba lato kulomtsetfo wakhe.”

Isaya 43:6

Ngiyawukhuluma nenyakatfo ngitsi: ‘Bakhulule,’ neningizimu ngikhulume kuyo ngitsi: ‘Ungabagodli.’ Buyisani emadvodzana ami kusukela khashane, nemadvodzakati ami kusukela emikhawulweni yemhlaba,

Isaya 49:1

Lalelani kimi, nine tichingi, vanini loku, nine tive letikhashane, Simakadze wangibita ngisengakatalwa, kusukela ekutalweni walibita libito lami.

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 49:22

Naku lokushiwo yiNkhosi Simakadze, itsi: “Buka la; ngiyawuchweba betive, ngiyawuphakamisa siboniso sami kubantfu. Bayawuletsa emadvodzana akho bawagodle ngemikhono, betfwele emadvodzakati akho emahlombe.

Isaya 51:5

Kulunga kwami kusondzela ngekushesha, insindziso yami isendleleni, ngiyakwehlulela tive ngemkhono wami. Tichingi tiyawubuka kimi, tilindzele ngekwetsemba umkhono wami.

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Isaya 52:15

Ngako tive letinyenti tiyawumangala ngayo, nemakhosi ayawuvala imilomo yawo ngenca yayo, ngobe bayawukubona loko labangazange sebatjelwe ngako, naloko labangazange sebakuve bayawukucondza.”

Isaya 55:5

Impela, nawe uyawubita tive longatati, netive letingakwati tiyawusheshisa tite kuwe, ngenca yaSimakadze Nkulunkulu wakho, Longcwele waka-Israyeli, ngobe yena ukuphe bukhosi.”

Isaya 60:9

Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Isaya 65:1

Simakadze utsi: “Ngatembula kulabo lababengazange bangicele, ngatfolwa ngulabo lababengazange sebangifune. Esiveni lesingazange silibite Libito lami, ngatsi: ‘Ngilapha, ngilapha.’

Jeremiya 46:9

Awu, subatsani, mahhashi! Nani bagibeli betincola, tigijimiseni, kube shangatsi senitinhlanya! Hlaselani, nani tingwazi: Nine madvodza aseKushe newasePhuthi, lenibambe emahawu, nani madvodza aseLidiya lajijimeta ngebutjoki.

Hezekeli 27:10

“ ‘Emadvodza asePheresiya, newaseLidiya, newasePhuthi abengemasotja emphini yakho. Agaca emahawu awo netimphantitje tawo kuwe, akuletsela ludvumo nekwatiwa.

Hezekeli 27:13

“ ‘BaseGrisi, nebaseThubhali kanye nebaseMesheki babetsenga timpahla takho; babeshintjiselana nawe ngetigcili nangetintfo telitfusi ngetimphahla takho.

Hezekeli 30:5

“ ‘Tonkhe tihlabani letaticashiwe: taseKushe netasePhuthi, netaseLidiya, netakuyo yonkhe i-Arabiya, netaseLibhiya kanye nebantfu belive lesivumelwane sami nabo bayakuwa ngenkemba kanye nebaseGibhithe.

Hezekeli 32:26

“BoMesheki naThubali balapho, bakanye nato tonkhe ticumbi tebantfu babo letitungelete emathuna abo. Bonkhe abakasokwa, babulewe ngenkemba ngobe babange kutfutfumela eveni lalabaphilako.

Hezekeli 39:1

“Ndvodzana yemuntfu, phrofetha umelane naGogi, utsi: ‘Naku lokushiwo yiNkhosi Simakadze, itsi: Ngimelene nawe Gogi, wena ndvuna lenkhulu yakaMesheki nakaThubali.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.

Danyela 11:18

Uyawujikisa ingcondvo yakhe ayibhekise emaveni lagudla tilwandle atsatse lamanyenti awo, kodvwa umkhuteli wemphi uyawucedza kutigabatisa kwakhe, akugucule lokutigabatisa kwakhe abuyisele lihlazo kuye.

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Zefaniya 3:10

“Kusukela ngesheya kwemifula yaseKushe tikhonti tami, bantfu bami labasakatekile, bayawungiletsela iminikelo.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Makho 16:15

Watsi kubo: “Hambani niye emhlabeni wonkhe, nishumayele liVangeli kubo bonkhe bantfu.

Lukha 2:34

Simeyoni wababusisa, wase utsi kuMariya, unina: “Lalela, lomntfwana ukhetfwe nguNkulunkulu kutsi abe kuwa nekuvuka kwalabanyenti esiveni sema-Israyeli, uyawuba luphawu loluphikiswa ngulabanyenti,

KubaseRoma 15:21

njengobe kubhaliwe kutsi: “Labangazange sebatjelwe ngaye, bayawubona; nalabo labangazange sebeve ngaye, bayawuvisisa.”

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.