Isaya 65:9 - Siswati 1996 Bible

⁹ Ngiyawuveta titukulwane kuJakobe, nakuJuda labo labayawuba tindlalifa tetintsaba tami; sive sami lesikhetsiwe siyawutidla, tinceku tami tiyawuhlala lapho.

Isaya 65:9 Referencias Cruzadas

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Isaya 32:18

Sive sami siyawuhlala etindzaweni tekuthula, emakhaya laphephile, etindzaweni tekuphumula letite lokuphatamisako.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Isaya 57:13

Nawukhala ucela kusitwa, leticumbi takho tetithico atikusindzise! Umoya uyawutiphephula tonkhe, umoyana lomncane nje uyawutikhukhula. Kodvwa lowo lowenta mine ngibe siphephelo sakhe, uyawudla lifa lelive, adle lifa lentsaba yami lengcwele.”

Isaya 60:21

Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.

Isaya 65:15

Libito lenu niyawulishiya kulabakhetsiwe bami libe sicalekiso: iNkhosi Simakadze iyawunibulala. Kodvwa tinceku tayo iyawutinika lelinye libito.

Isaya 65:22

Bangeke baphindze bakhe tindlu, bese kuhlala labanye bantfu kuto, nome bahlanyele, bese kudla labanye. Ngobe njengemalanga esihlahla ayawuba njalo-ke nemalanga ebantfu bami. Labakhetsiwe bami bayawutijabulisa sikhatsi lesidze ngemisebenti yetandla tabo.

Hezekeli 36:24

“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Zefaniya 3:20

Ngaleso sikhatsi ngiyawunibutsa; ngaleso sikhatsi ngiyawunibuyisela ekhaya. Ngiyawuninika kuhlonipheka neludvumo emkhatsini wato tonkhe tive temhlaba, nase nginibuyisela tinhlanhla tenu embikwemehlo enu nibuka,” kusho Simakadze.

Matewu 24:22

Kube lawo malanga akafinyetwanga bekuyakubate longasindziswa; kepha ngenca yalabakhetsiwe lawo malanga ayawufinyetwa.

KubaseRoma 11:28

NgekweliVangeli baka-Israyeli batitsa taNkulunkulu, khona kutewusitakala nine, kodvwa ngekwelukhetfo bangulabatsandzekako ngenca yabokhokho babo.