Isaya 65:24 - Siswati 1996 Bible

²⁴ Bayawutsi bangakangibiti, ngisabele, bayawutsi basakhuluma, ngive.

Isaya 65:24 Referencias Cruzadas

Genesisi 24:15

Watsi asengakacedzi nje kuthandaza, kwase kuchamuka Rebheka labetalwa nguBethuweli, umsa waMilkha, umkaNahori, umnakabo-Abrahama. Rebheka weta etjetse imbita yemanti ehlombe lakhe.

2 Emakhosi 19:20

Isaya, umsa wa-Amose, wase utfumela livi kuHezekiya, atsi: “Naku lokushiwo nguSimakadze Nkulunkulu wema-Israyeli, utsi: ‘Ngiwuvile umkhuleko wakho macondzana naSenaheribi, inkhosi yase-Asiriya.’

Tihlabelelo 32:5

Ngasivuma kuwe sono sami, angizange ngisifihle siphambuko sami. Ngatsi: “Ngiyawutivuma kuSimakadze tono tami.” Wena walitsetselela licala lesono sami. Cabanga.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Isaya 55:6

Funani Simakadze asenekutfolakala; mbiteni asesedvute.

Isaya 58:9

Uyawumemeta, Simakadze akuphendvule, uyawukhala ucele lusito, atsi yena: ‘Ngilapha.’ “Nawususa lijoko lekucindzetela, nemino lekhombako, nekukhuluma ngenzondo,

Isaya 59:1

Nembala, ingalo yaSimakadze ayiyimfisha kangako kutsi ingete yasindzisa, nendlebe yakhe ayisiso sihhulu kutsi ingete yeva.

Danyela 10:12

Wachubeka watsi: “Ungesabi, Danyela. Kusukela ngelilanga lekucala, mzukwana utimisela engcondvweni yakho kutsi ufuna kucondza kahle nekutitfoba embikwaNkulunkulu, emavi akho evakala kahle onkhe, mine sengitele kutawuletsa imphendvulo yawo.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Makho 11:24

Ngako-ke ngitsi kini: Konkhe leniyawukucela ngemkhuleko, kholwani kutsi seninako, niyawube seniyaphiwa-ke.

Imisebenti yebaPhostoli 4:31

Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.