Isaya 65:21 - Siswati 1996 Bible

²¹ Bantfu bayakwakha tindlu, bahlale kuto, bayawuhlanyela tivini, badle titselo tato.

Isaya 65:21 Referencias Cruzadas

Tihlabelelo 107:37

Balima emasimi, bahlanyela tivini, bavuna sivuno lesikhulu.

Isaya 30:23

Utawubuye anitfumelele imvula ngenca yenhlanyelo yenu leseniyihlanyele phansi emhlabatsini, kudla lokuphuma emhlabatsini kutawunona, futsi kube kunyenti. Ngalelo langa tinkhomo tenu tiyawukudla emadlelweni labanti nalaluhlata.

Isaya 32:18

Sive sami siyawuhlala etindzaweni tekuthula, emakhaya laphephile, etindzaweni tekuphumula letite lokuphatamisako.

Isaya 37:30

“Loku-ke kuyawuba sibonakaliso kuwe, Hezekiya: “Kulomnyaka utawudla loko lokutimilele, ngemnyaka wesibili udle emahlumela ako, kodvwa ngemnyaka wesitsatfu uyawuhlanyela uvune, uyawuhlanyela tivini ubuye udle emagelebisi ato.

Levithikusi 25:19

Umhlaba uyawutsela titselo tawo, nidle nesutse, nihlale kulo niphephile.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Amose 9:14

Ngiyawusilandza sibuye sive sami ema-Israyeli lebesitfunjiwe, siyakuwakha kabusha emadolobha aso langemadzibikelo, bese sihlala kuwo. Siyawuhlanyela tivini, sinatse liwayini lato; siyawukwakha tingadze, sidle titselo tato.