Isaya 65:13 - Siswati 1996 Bible

¹³ Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Isaya 65:13 Referencias Cruzadas

Tihlabelelo 34:10

Ngisho nemabhongwana emabhubesi ayeswela alambe, kodvwa labo labafuna Simakadze bangeke beswele lutfo loluhle.

Taga 13:25

Umuntfu lolungile udla esutse; kodvwa sisu salababi sihlala silambile.

Isaya 1:19

Nangabe nivuma futsi nilalela, niyawudla sivuno lesihle kakhulu selive;

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Isaya 41:18

Ngiyawukwenta imifula igelete etindzaweni letiphakeme letilugwadvule, netiyalu ekhatsi etihosheni. Ngiyawugucula lihlane libe titiba temanti, nemhlaba logagadzekile ube netiyalu temanti.

Isaya 42:17

Kodvwa labo labetsembele etithicweni, labakhuluma etitfombeni batsi: ‘Nine nibonkulunkulu betfu,’ bayawuncandzekiswa bajabhile bahlazeke kakhulu.”

Isaya 44:11

Yena nalahambisana nabo bayawuhlaziswa; tingcweti kutekubumba atisilo lutfo, kodvwa tibantfu nje. Ababutsane ndzawonye bonkhe, beme kuloko labasime kuko; bayawehliselwa ekwesabekeni kwelihlazo lalokubi.

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 5:13

Ngako-ke lesive sami sitawutfunjwa ngenca yekubate kucondza, emadvodza aso lanetikhundla atakuwa abulawe yindlala, tincumbi taso tiyawuhashulwa komela emanti.

Isaya 50:11

Kodvwa nyalo, nonkhe nine lenilumekela imilidlwana, nitentele nine tidlwane letivutsako, hambani-ke ningene kuloko kukhanya kwaleyo milidlwana yenu nekwaleto tidlwane tenu lesenitilumekele tona. Naku leniyawukutfola esandleni sami: Niyawulala phansi etinhlungwini letimatima.

Isaya 61:7

Esikhundleni selihlazo lenu, nine bantfu bami, niyawuphiwa ngalokuphindziwe; esikhundleni sekuhlazeka niyawujabula efeni lenu; ngako niyawudla lifa ngalokuphindziwe eveni lenu, kujabula kwaphakadze kuyawuba kwenu.

Isaya 62:9

Kodvwa labo labakuvunako bayawukudla badvumise Simakadze, nalabo lababutsa emagelebisi, liwayini bayawulinatsela etibuyeni tendlu yami lengcwele.”

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Isaya 8:21

Bayawukwehla benyuka eveni bajabhile futsi balambile, ngesikhatsi sebahwaywe yindlala, bayawuvutsa ngelulaka, babuke etulu, bacalekise inkhosi yabo kanye naNkulunkulu wabo.

Jeremiya 22:22

Umoya uyawubaphephula bonkhe belusi bakho, nebangani bakho bayawutfunjwa. Uyawuba nemahloni uhlazeke ngenca yabo bonkhe bubi bakho.

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Hoseya 4:10

“Bayakudla tabelo tabo temihlatjelo, kodvwa bangeke besutse; bayawungenela bugwadla, kodvwa bangandzi, ngobe bamshiyile Simakadze,

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”