Isaya 64:9 - Siswati 1996 Bible

⁹ Awu Simakadze, ungatfukutseli kwekwengca, ungatikhumbuli tono tetfu phakadze naphakadze. Awu, siyakuncusa, sibuke, ngobe sonkhe sibantfu bakho.

Isaya 64:9 Referencias Cruzadas

2 Emakhosi 25:9

Wafike wokhela ngemlilo lithempeli laSimakadze, nesigodlo senkhosi kanye nato tonkhe tindlu taseJerusalema. Watokhela ngemlilo tonkhe tindlu letibalulekile.

Tihlabelelo 119:94

Ngingewakho, ngisindzise, Nkulunkulu, ngobe ngifuna kugcina timiso takho.

Tihlabelelo 38:1

Awu, Simakadze, ungangikhahli ngentfukutselo yakho, ungangijezisi ngelulaka lwakho.

Tihlabelelo 6:1

Awu, Simakadze, ungangijezisi ngentfukutselo yakho, ungangishayi ngelulaka lwakho.

Tihlabelelo 79:13

Tsine-ke lesisive sakho netimvu telidlelo lakho, siyawudvumisa wena ingunaphakadze, silandzise ngeludvumo lwakho etitukulwaneni nasetitukulwaneni.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 57:17

Bengitfukutseliswe ngulesono sakhe sekuba bukhali, ngase ngiyamjezisa, ngabufihla buso bami ngenca yekutfukutsela, noko wachubeka nekuhlubuka kwenhlitiyo yakhe, ahamba ngendlela yakhe.

Isaya 60:10

“Betive bayawutivusa tibondza takho, emakhosi abo ayawuhlehla kuwe. Noko ngakushaya ngenca yekutfukutsela, ngebubele bami ngiyawukuhawukela.

Isaya 63:18

Kwaba sikhashana nje sive sakho saba tindlalifa tendzawo yakho lengcwele, kodvwa nyalo titsa tetfu setiyinyatsele phansi indlu yakho lengcwele.

Isaya 63:19

Tsine sibakho kusukela kadzenidzeni; kodvwa shangatsi wena awukabusi etikwetfu, asikaze sabitwa ngeLibito lakho.

Isaya 63:8

Watsi: “Ngempela, basive sami, emadvodzana langeke angiyenge;” ngaloko-ke waba nguMsindzisi wabo.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Jeremiya 44:21

“Simakadze akayikhumbulanga yini wayicabanga imphepho leyayitfunciswa emadolobheni akaJuda nasetitaladini taseJerusalema, itfunciswa ngini naboyihlo nemakhosi enu, netiphatsimandla tenu, kanye nebantfu balelive?

Sililo 2:7

Simakadze ulilahlile lilati lakhe, wayishiya indzawo yakhe lengcwele. Unikele tibondza tetigodlo taseSiyoni etitseni; tamemeta kakhulu ekhatsi endlini yaSimakadze, kwaze kwaba shangatsi ngungelilanga lelidzili lelamiswa.

Sililo 5:18

ngobe intsaba iSiyoni seyisele ikhala libhungane, timphungutja tiyajangaza kuyo.

Sililo 5:20

Usikhohlwelani njalo nje? Usilahleleni sikhatsi lesidze kangaka?

Sililo 5:22

Nome sewusilahle kokuphela yini? Sekute yini siphetfo ekutfukutseleni kwakho?

Hezekeli 29:16

IGibhithe ingeke isaba ngumtfombo wemandla esibindzi kubantfu baka-Israyeli, kodvwa iyawuba sikhumbuto sesono sabo, nabajikela kuyo bacela lusito. Ngulapho-ke bayawukwati khona kutsi mine ngiyiNkhosi Simakadze.’ ”

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Malakhi 1:4

Edomu angasho atsi: “Nome sipitjitiwe, kodvwa sitawutakha kabusha letindzala.” Kodvwa naku lokushiwo nguSimakadze longuSomandla, utsi: “Bangakha, kodvwa ngitawuphindze ngibhidlite. Bayawubitwa ngekutsi Live Lenkhohlakalo, sive lesihlala njalo singaphansi kwelulaka lwaSimakadze.

2 yaPhetro 2:17

Labo bantfu bayimitfombo lete emanti, batinkhungu letichutjwa sivunguvungu; bagcinelwe bunyama bebumnyama.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.