Isaya 64:7 - Siswati 1996 Bible

⁷ Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Isaya 64:7 Referencias Cruzadas

Jobe 10:9

Khumbula kutsi nguwe lowangibumba njengelibumba, senguwe njalo lotangibuyisela elutfulini futsi?

Jobe 8:4

Kungahle kube bantfwabakho kukhona labakonile kuNkulunkulu, wase ubajezisa ngalokufanele sono sabo.

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Eksodusi 32:12

Pho, kudzingeke ngani kutsi emaGibhithe abe asatsi: ‘Wabakhipha ngebucili eGibhithe wabe sewubabulala ngekubacitsa ebusweni bemhlaba baphelela etintsabeni bonkhe’? Mane uluyekele lulaka lwakho loluvutsako, ucole, ungasehliseli imbhubhiso lesive sakho.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 27:5

Nome-ke wona abaleke atewubhaca kimi, akabuyisane nami, yebo, akabuyisane nami.”

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Isaya 56:4

Ngobe ngunaku lokushiwo nguSimakadze, utsi: “Batsenwa labagcina emaSabatha ami, bakhetsa kwenta lokungijabulisako, babambelele esivumelwaneni sami,

Isaya 57:17

Bengitfukutseliswe ngulesono sakhe sekuba bukhali, ngase ngiyamjezisa, ngabufihla buso bami ngenca yekutfukutsela, noko wachubeka nekuhlubuka kwenhlitiyo yakhe, ahamba ngendlela yakhe.

Isaya 59:16

Wabona kutsi kute muntfu, wamangala kakhulu ngekutsi kute namunye lomela kulunga, ngako ingalo yakhe yalwela insindziso yakhe, nekulunga kwakhe kwamsimamisa.

Isaya 59:2

Kodvwa tiphambuko tenu tinehlukanisile naNkulunkulu wenu; tono tenu tibusitsile buso bakhe kini, kuze angetikuniva.

Isaya 59:4

Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Jeremiya 9:7

Ngako-ke naku lokushiwo nguSimakadze longuSomandla, utsi: “Buka la, ngitabavivinya ngibacolisise, ngobe yini lenye lengingayenta macondzana nesono sebantfu bami?

Hezekeli 22:30

“Ngafuna umuntfu emkhatsini wabo labengakha lubondza eme embikwami esikhaleni, emele lelive, kuze ngingetikulibhubhisa, kodvwa angitfolanga namunye.

Hezekeli 24:11

Ubobe sewubeka lelibhodo lelingenalutfo etikwemalahle, lize lishise nelitfusi lalo limanyatele, kuze kutsi nekungcola kwalo kuncibilike, netincwencwe talo tize tishe tiphele.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.

Hoseya 7:7

Bonkhe bashisa njengelihhavu, bashwabudzela babusi babo. Onkhe emakhosi abo ayawa, kute namunye emkhatsini wabo locela lusito kimi.”

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Malakhi 2:10

AsinaBabe munye sonkhe yini? Asidalwanga nguNkulunkulu munye yini? Pho, sisihlambalatelani lesivumelwane sabokhokho betfu ngekungetsembeki kwetfu lomunye kulomunye?