Isaya 63:5 - Siswati 1996 Bible

⁵ Ngabuka, kodvwa kwabate namunye labengasita. Ngamangala kakhulu kutsi kubete lowelekelelako, ngako umkhono wami wangentela insindziso yami, nelulaka lwami lwangisekela.

Isaya 63:5 Referencias Cruzadas

Tihlabelelo 107:12

Yebo, wabayendzisa ngekudvonsa kamatima, basakateka phansi, kwabate lobasitako.

Tihlabelelo 22:11

Ungakhweshi kimi, ngobe inhlupheko isedvute nami, kute nalongangisita.

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Tihlabelelo 69:20

Kuhlanjalatwa kuwephulile umphefumulo wami, ngadzimate ngaphelelwa nangemandla. Ngacalata ngifuna longangihawukela, kodvwa kwabate lengimbonako. Ngacalata ngifuna nebadvudvuti, nakhona kwabate lengibabonako.

Tihlabelelo 94:16

Ngubani longangisita kulababi? Ngubani longangiphendvula kulabaphambene nami?

Tihlabelelo 98:1

Sihlabelelo. Hlabelani ingoma lensha kuSimakadze, ngobe wente tintfo letinkhulu; wancoba ngesandla sakhe sekudla nangengalo yakhe lengcwele.

Isaya 40:10

Bukani, Simakadze longuSomandla ute ngemandla, nangemkhono wakhe uyabusa. Bukani, umvuzo wakhe unaye, nenkhokhelo yakhe ihamba naye.

Isaya 41:28

Ngiyabuka, kodvwa kute namunye, kute namunye emkhatsini wabo longeluleka, kute longaphendvula nangibabuta.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 51:5

Kulunga kwami kusondzela ngekushesha, insindziso yami isendleleni, ngiyakwehlulela tive ngemkhono wami. Tichingi tiyawubuka kimi, tilindzele ngekwetsemba umkhono wami.

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Isaya 63:3

“Nginyatsele sikhamo seliwayini ngingedvwa; kuto tonkhe tive kute namunye labekanye nami. Ngibagcobagcobile ngentfukutselo yami, ngabapitjita ngelulaka lwami. Ingati yabo yasaphatela tembatfo tami; ngatingcolisa tonkhe timphahla tami.

Hezekeli 22:30

“Ngafuna umuntfu emkhatsini wabo labengakha lubondza eme embikwami esikhaleni, emele lelive, kuze ngingetikulibhubhisa, kodvwa angitfolanga namunye.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Johane 16:32

Siyeta sikhatsi, nanyalo sesifikile, lapho nonkhe nitawusakateka, ngulowo nalowo abuyele ekhaya lakhe. Nitangishiya ngedvwa; kodvwa noko angingedvwa, ngobe Babe unami.

1 kubaseKorinthe 1:24

Kodvwa kulabo lababitiwe, kumaJuda nakumaGriki, sishumayela Khristu longemandla aNkulunkulu nekuhlakanipha kwaNkulunkulu.