Isaya 63:3 - Siswati 1996 Bible

³ “Nginyatsele sikhamo seliwayini ngingedvwa; kuto tonkhe tive kute namunye labekanye nami. Ngibagcobagcobile ngentfukutselo yami, ngabapitjita ngelulaka lwami. Ingati yabo yasaphatela tembatfo tami; ngatingcolisa tonkhe timphahla tami.

Isaya 63:3 Referencias Cruzadas

Genesisi 49:11

Uyawuba nenala, bantfu bayawubopha timbongolo tabo emivinini, nematfole etimbongolokati tabo emivinini lemihle. Bayawugeza tingubo tabo ewayinini, netembatfo tabo ewayinini lelibovu sangati.

2 Emakhosi 9:33

Jehu wabamemeta watsi: “Khiphani Jezebeli, nimjike phansi!” Ngako bambamba bamkhipha ngelifasitelo, emasaphatelo engati yakhe abhoca lubondza kanye nemahhashi ngesikhatsi asamgcobagcoba ngetinselo tawo.

Jobe 40:12

buka bonkhe bantfu labatigcabhako, bese uyabatfobisa. Pitjita lababi lapho beme khona.

Tihlabelelo 60:12

Sitawutincoma ngaNkulunkulu. Nguye lotawugcobagcoba titsa tetfu.

Isaya 22:5

INkhosi Simakadze lenguSomandla ibeke lilanga lesiyaluyalu, lekugcotjwagcotjwa nelekudzidzeka eSigodzini Sembono, lilanga lekuhhihlitwa kwetibondza, lilanga lekutikhalela etintsabeni.

Isaya 25:10

Emandla aSimakadze ayakuyengama lentsaba, kodvwa Mowabi utawunyatselwa phansi ngetinyawo, njengetibi natigcotjwagcotjwa emcubeni.

Isaya 28:3

Lowo mchele letitigabatisa ngawo tidzakwa taka-Efrayimu, uyawugcotjwagcotjwa phansi ngetinyawo.

Isaya 59:17

Wembatsa kulunga njengesivikelo sakhe sesifuba, nesigcoko sensindziso enhloko yakhe. Wembatsa tingubo tekukhipha sibhongobhongo, watishumphetela ngenshisekelo njengesembatfo.

Isaya 63:6

Ngagcobagcoba tive ngentfukutselo yami; ngelulaka lwami ngatenta tadzakwa, ngatfululela ingati yato emhlabatsini.”

Sililo 1:15

“Simakadze uwalahlile onkhe emabutfo lengisemkhatsini wawo, sewuhlomise imphi letewumelana nami kutsi itewuhlifita onkhe emajaha akami. Simakadze uyihlifitile iNtfombi yakaJuda njengemagelebisi etjeni lekuhlutela liwayini.

Joweli 3:13

Faka lisikela usike, ngobe sekufanele kuvunwe. Wota, ugcobagcobe emagelebisi, ngobe litje lekuhlutela seligcwele, nemiphandza seyigcwele iyaphuphuma, bunjalo-ke nebubi babo!”

Mikha 7:10

Titsa tetfu tiyawutsi tingakubona loko tidliwe ngemahloni; tona leto titsa letake taba liphela endlebeni ngekusibuta titsi: “Uphi loSimakadze longuNkulunkulu wenu?” Siyawutibona setehluliwe tapitjitwa phansi, sincane seludzaka lwendlela.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Malakhi 4:3

Lapho-ke niyawubagcobagcoba phansi lababi; bayawuba lutfuli ngaphansi kwetinyawo tenu ngalelo langa lengiyawulungisa ngalo konkhe,” kusho Simakadze longuSomandla.