Isaya 62:4 - Siswati 1996 Bible

⁴ Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Isaya 62:4 Referencias Cruzadas

Tihlabelelo 149:4

Simakadze uyasijabulela sive sakhe, labatitfobako ubapha umchele wekuncoba.

Tihlabelelo 16:3

Kodvwa ngalabangcwele labalapha emhlabeni ngitsi: “Batikhulu letincabile lengijabula ngato.”

Isaya 49:14

Kodvwa iSiyoni yatsi: “Simakadze ungifulatsele, Simakadze ungikhohliwe.”

Isaya 54:1

“Hlabela, wena mfati loyinyumba, wena longazange sewumtale umntfwana; hlokoma uhlabele, memeta ngekujabula, wena longazange sewuhelwe, ngobe banyenti bantfwana bemfati lolahliwe kunebemfati lonendvodza,” kusho Simakadze.

Isaya 60:15

“Noko uke walahlwa, watondvwa, kungekho muntfu lowendlula kuwe, ngiyawukwenta ligcabho laphakadze, nenjabulo yato tonkhe titukulwane.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Isaya 62:2

Tive tiyawukubona kulunga kwakho, nawo onkhe emakhosi abone emandla akho. Uyawubitwa ngelibito lelisha leliyawubekwa ngumlomo waSimakadze.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Isaya 65:19

Ngiyawutfokota ngeJerusalema, ngijabule ngebantfu bami, umsindvo wekulila newekukhala awuyiwuphindza uvakale kuyo.

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Hezekeli 36:35

Bayawutsi: “Lelive belilihlane lelingenalutfo selihlume laba njengensimi yase-Edeni; emadolobha labesasele atindzala, sekukhala libhungane kuwo, asabhujisiwe, nyalo asabiyelwe futsi asahlalwa bantfu.”

Hoseya 2:21

“Ngalelo langa ngiyawuphendvula,” kusho Simakadze, “ngiyawuphendvula emazulu, nawo ayawuphendvula umhlaba;

Hoseya 2:22

nemhlaba uyawuphendvula ngalokutinhlavu, nangeliwayini lelisha, nangemafutsa, nako kuyawuphendvula iJezreyeli.

Zefaniya 3:17

Simakadze Nkulunkulu wakho unawe, unemandla ekusindzisa. Uyawukujabulela kakhulu wena, uyawukupha kuthula ngelutsandvo lwakhe; uyawukujabulela ngekuhlabela.”

Malakhi 3:12

“Lapho-ke tonkhe tive tiyawutsi nine ningulababusisiwe, ngobe live lenu liyakuba live lelihle,” kusho Simakadze longuSomandla.

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

Dutheronomi 30:9

Simakadze Nkulunkulu wenu uyawube sewuyaniphumelelisa kuko konkhe lenikwentako ngetandla tenu, nakubantfwana benu, nalokutelwe kwetifuyo tenu, nasesivunweni semhlaba wenu, Simakadze uyawuphindze ajabule ngani anente niphumelele, njengobe abejabula ngaboyihlomkhulu.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.

Sembulo 21:2

Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.