Isaya 62:2 - Siswati 1996 Bible

² Tive tiyawukubona kulunga kwakho, nawo onkhe emakhosi abone emandla akho. Uyawubitwa ngelibito lelisha leliyawubekwa ngumlomo waSimakadze.

Isaya 62:2 Referencias Cruzadas

Genesisi 17:15

Nkulunkulu watsi ku-Abrahama: “Ungabe usambita umkakho ngekutsi nguSarayi, kodvwa ubosale utsi nguSara.

Genesisi 17:5

Libito lakho lingeke lisaba ngu-Abrama, kodvwa selitawuba ngu-Abrahama, ngobe sengikwente uyise wetive letinyenti.

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Tihlabelelo 98:2

Simakadze uyente yatiwa insindziso yakhe, kulunga kwakhe ukwembulile emehlweni ebetive.

Isaya 1:26

Ngitawubuyisela tikhulu tenu tifanane naleto beninato ekucaleni, ngibuyisele beluleki benu, bafanane nalabo beninabo ekucaleni. Emvakwaloko nitawubitwa ngekutsi: Lidolobha Lekulunga, Lidolobha Leletsembekile.”

Isaya 26:2

Vulani emasango, kuze sitewungena sive lesilungile, sive lesigcina kukholwa.

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Isaya 56:5

labo ngiyakubanika sikhumbuto ekhatsi ethempelini lami nasemkhatsini wetibondza talo, ngiyakubanika nelibito lelihle kwengca emadvodzana nemadvodzakati. Ngiyakubanika libito laphakadze, libito lelingasoze laphela nakadzeni.

Isaya 60:11

Emasango akho ayawuhlala avulekile, ngeke aze avalwe, busuku nemini, kuze emadvodza aniletsele lemicebo yetive, emakhosi ato achutjwe atiboshwa.

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Isaya 65:15

Libito lenu niyawulishiya kulabakhetsiwe bami libe sicalekiso: iNkhosi Simakadze iyawunibulala. Kodvwa tinceku tayo iyawutinika lelinye libito.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Isaya 66:12

Ngobe naku lokushiwo nguSimakadze, utsi: “IJerusalema ngiyakuyiletsela kuthula lokuyawugobhota njengemfula, bunjinga betive bute kuyo njengemfula longenelako. Niyawumunya kuyo, netfwalwe ngumkhono wayo, nidlaliselwe emadvolweni ayo.

Isaya 66:19

“Ngiyawubeka sibonakaliso emkhatsini wabo, bese ngitfumela labanye balabo labaphephile etiveni: eThashishi, nakumaLibhiya, nemaLudi, labadvume ngekuba banembi ngebutjoki, naseThubhali, naseGrisi, nasetichingini letikhashane letingazange setive ngeludvumo lwami nome tibone bukhosi bami. Bayawumemetela bukhosi bami kubetive.

Jeremiya 33:16

Kulawo malanga Juda uyawusindziswa, neJerusalema ihlale iphephile. Lelo-ke libito lalo leliyawubitwa ngalo: Simakadze Kulunga Kwetfu.’

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Imisebenti yebaPhostoli 11:26

Kwatsi lapho amkhandza, wamletsa e-Antiyokhi. Umnyaka wonkhe bobabili babehlanganyela nebantfu belibandla, babefundzisa sicuku lesikhulu. Kwakuse-Antiyokhi lapho bafundzi babitwa kwekucala ngekutsi ngemaKhristu.

Imisebenti yebaPhostoli 26:23

kutsi Khristu kufanele ahlupheke afe nekutsi abe wekucala kuvuka ekufeni, bese umemetela kukhanya kumaJuda nakubetive.”

Imisebenti yebaPhostoli 9:15

INkhosi yatsi kuye: “Hamba, ngobe lowo muntfu usitja sami lengisikhetsile kutsi siphatse libito lami kubetive nakumakhosi, nakubantfu baka-Israyeli.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Sembulo 3:12

“ ‘Loncobako ngiyawumenta insika ethempelini laNkulunkulu wami, angeke aphume kulo, ngiyawubhala kuye libito laNkulunkulu wami, ngibhale nelibito lemuti waNkulunkulu wami, iJerusalema lensha leyehla iphuma ezulwini kuNkulunkulu wami, nelibito lami lelisha ngilibhale kuye.