Isaya 62:10 - Siswati 1996 Bible

¹⁰ Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Isaya 62:10 Referencias Cruzadas

Tihlabelelo 24:7

Nine masango, vulekani! Nani minyango yasemandvulo vulekani nitsi nge, kuze iNkhosi yeludvumo itewungena.

Tihlabelelo 68:4

Hlabelani kuNkulunkulu, nidvumise libito lakhe. Nimlungiselele umgwaco, yena lodzabula ematsafa elugwadvule; nguSimakadze libito lakhe, nihlabele ngenjabulo embikwakhe!

Eksodusi 17:15

Mosi wakha lilati waletsa libito watsi: “Lolu luphawu lwewungincobela kwaSimakadze.”

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 11:12

Uyakuphakamisela tive siboniso, abutse batfunjwa baka-Israyeli; uyawuhlanganisa bantfu bakaJuda labasakatekele emagumbini omane emhlaba.

Isaya 11:16

Kuyawuba nemgwaco lomkhulu wemisalela yesive sakhe leyawube isele e-Asiriya, njengobe wawukhona nakubaka-Israyeli ngesikhatsi baphuma eGibhithe.

Isaya 18:3

“Nonkhe nine tive temhlaba, nine lenihlala kulomhlaba, nakuphakanyiswa siboniso semphi entsabeni, nibobuka, nakukhala licilongo, nilalelisise.

Isaya 19:23

Ngalelo langa kuyawuba nemgwaco losuka eGibhithe uye e-Asiriya. Base-Asiriya bayakuya eGibhithe, nebaseGibhithe bayakuya e-Asiriya. Bantfu baseGibhithe nebase-Asiriya bayakukhonta ndzawonye.

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 26:2

Vulani emasango, kuze sitewungena sive lesilungile, sive lesigcina kukholwa.

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Isaya 35:9

Kuyawubate libhubesi lapho, kute ngisho nesilwane lesinelulaka, lesiyawutfolakala kuwo. Kodvwa ngulabahlengiwe bodvwa labayawuhamba kulowo mgwaco,

Isaya 40:3

Livi lalomemetako litsi: “Lungisani indlela yaSimakadze ehlane; yentani ucondze ekhatsi ehlane umgwaco lomkhulu waNkulunkulu wetfu.

Isaya 40:4

Tonkhe tigodzi tiyawugcwaliswa; tonkhe tintsaba nemagcuma kuyakwehliswa. Umhlaba lomagebhugebhu uyawulinganiswa, ematsafa latigodzigodzi entiwe abeke.

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 49:11

Ngiyawugucula tonkhe tintsaba tami tibe ngimigwaco, nemigwaco yami lemikhulu iyawuphakanyiswa.

Isaya 49:22

Naku lokushiwo yiNkhosi Simakadze, itsi: “Buka la; ngiyawuchweba betive, ngiyawuphakamisa siboniso sami kubantfu. Bayawuletsa emadvodzana akho bawagodle ngemikhono, betfwele emadvodzakati akho emahlombe.

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Isaya 57:14

Kuyawutsiwa: “Yakhani, yakhani, lungisani umgwaco. Susani emavimbela endleleni yebantfu bami.”

Isaya 60:11

Emasango akho ayawuhlala avulekile, ngeke aze avalwe, busuku nemini, kuze emadvodza aniletsele lemicebo yetive, emakhosi ato achutjwe atiboshwa.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Isaya 66:19

“Ngiyawubeka sibonakaliso emkhatsini wabo, bese ngitfumela labanye balabo labaphephile etiveni: eThashishi, nakumaLibhiya, nemaLudi, labadvume ngekuba banembi ngebutjoki, naseThubhali, naseGrisi, nasetichingini letikhashane letingazange setive ngeludvumo lwami nome tibone bukhosi bami. Bayawumemetela bukhosi bami kubetive.

Jeremiya 18:15

Noko sive sami singilahlile mine; satfuncisa imphepho etithicweni letingenamsebenti, letabakhubatelisa etindleleni tabo nasemikhondvweni yakadzeni. Tabahambisa ngetindlela letijubako nangemigwaco lengakakhiwa kahle.

Jeremiya 4:6

Hlabani inyandzaleyo kuyiwe eSiyoni! Balekani nitewusindza, ningephutisi. Ngobe ngiletsa inhlekelele lechamuka ngasenyakatfo, yebo, imbhubhiso leyesabekako.”

Hezekeli 26:2

“Ndvodzana yemuntfu, njengobe iThire seyikhulume ngeJerusalema, yatsi: ‘Hha! Lisango lebetive selephukile, netivalo talo setigedvukele kimi, njengaloku seyibhidlikile iJerusalema, mine Thire sengitawuphumelela.’

Matewu 22:9

Ngako-ke hambani niye etinhlanganweni tetindlela nemigwaco; nimeme bonkhe lenibabonako kutsi bete edzilini.’

KumaHebheru 12:13

tinyawo tenu nitentele tindlela leticondzile, kuze kutsi lunyawo loluchutako lungachubiseleki, kodvwa luphiliswe.