Isaya 60:2 - Siswati 1996 Bible

² Buka la, bumnyama buyawusibekela umhlaba, nebumnyama lobumatima busetikwetive, kodvwa Simakadze uyaphuma etikwakho, nenkhatimulo yakhe ibonakala etikwakho.

Isaya 60:2 Referencias Cruzadas

1 Emakhosi 8:11

Baphristi abazange basakwati kuchubeka nekwenta inkonzo yabo ngenca yalelo lifu, ngobe inkhatimulo yaSimakadze yaligcwalisa lithempeli lakhe.

Tihlabelelo 102:16

Ngobe Simakadze utawube asayakhe kabusha iSiyoni, asabonakele enkhatimulweni yakhe,

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Isaya 2:5

Kota, wenandlu yakaJakobe, sitewuhamba ekukhanyeni kwaSimakadze.

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Isaya 58:10

nawutinikela ekondleni labalambile, wenetise tidzingo talabacindzetelwe, ngulapho-ke kukhanya kwakho kuyawuphuma ebumnyameni kukukhanyisele, nebusuku bakho buyawufanana nasemini kala bha.

Isaya 58:8

Ngulapho-ke kukhanya kwakho kuyawugcama njengekukhanya kwekusa, nekuphiliswa kwakho kuyawuvela masinyane, kulunga kwakho-ke kuyawube sekukuhambela embili. Bukhosi baSimakadze buyawuba sivikelo sakho lesingemuva kwakho.

Isaya 62:1

Ngenca yeSiyoni nje, ngingeke ngibindze, ngenca yeJerusalema ngingete ngathula, kuze kulunga kwayo kukhanye njengekusa, nensindziso yayo ibe njengesidlwane lesivutsako.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Isaya 8:22

Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Levithikusi 9:23

BoMosi na-Aroni bangena ethendeni lekuhlangana, batsi nase baphuma, babusisa sive, inkhatimulo yebukhosi baSimakadze yabonakala kubo bonkhe bantfu.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Numeri 16:19

Watsi kube Khora ahlanganise bonkhe labalandzeli bakhe, lababemelene naMosi, embikwelithende lekuhlangana, inkhatimulo yaSimakadze yabonakala kuso sonkhe sive sema-Israyeli.

Matewu 15:14

Bayekeleni, ngobe ngibo baholi labatimphumphutse; kepha nangabe imphumphutse ihola lenye imphumphutse, totimbili tiyawuwela emgodzini.”

Matewu 23:19

Timphumphutse, ngukuphi lokubaluleke kakhulu, sipho nome lilati, lelenta sipho sibe ngcwele?

Matewu 23:24

Baholi labatimphumphutse, nikhetsa imphungane ekudleni, kodvwa nimite likamela.

Johane 1:1

Ekucaleni kungakadalwa lutfo, abevele akhona Livi. Livi abekuNkulunkulu, Livi abenguNkulunkulu.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 8:55

“Kodvwa nine anikamati, mine ngiyamati. Kube bengitsite angimati, bengitawube ngicala emanga njengani. Kepha mine ngiyamati. Livi lakhe ngiyaligcina.

Imisebenti yebaPhostoli 14:16

Ngesikhatsi lesendlulile watiyekela tonkhe tive tatihambela ngetindlela tato.

Imisebenti yebaPhostoli 17:23

Ngobe ngitsite ngisahambahamba kulelidolobha lenu ngibuka letindzawo lenikhontela kuto, ngakhandza nelilati lelibhalwe kutsi: ‘KUNKULUNKULU LONGATIWA.’ “Ngako-ke loko lenikukhonta ningakwati, ngiko-ke loku lengikushumayela kini.

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

KubaseKholose 1:13

Wasikhulula emandleni ebumnyama, wasibeka embusweni weNdvodzana yakhe letsandzekako.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.