Isaya 6:9 - Siswati 1996 Bible

⁹ Watsi: “Hamba utjele lesive utsi: “ ‘Lalelani njalo, kodvwa ningeva; bukani njalo, kodvwa ningaboni.’

Isaya 6:9 Referencias Cruzadas

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Isaya 28:13

Ngako-ke livi laSimakadze kubo liyawuba kutsi: “Savu lasavu, savu lasavu, khavu lakhavu, khavu lakhavu, ziyere shamu, ziyere shamu,” kuze batewuhamba baze bawe ngetiphundvu, balimale babanjwe, bese bayatfunjwa.

Isaya 29:10

Simakadze wehlisele etikwenu butfongo lobukhulu: Uwavalile emehlo enu, baphrofethi, utimbonyile tinhloko tenu, baboniswa.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Isaya 42:20

Ubone tintfo letinyenti, kodvwa awukanaki, tindlebe takho tivulekile, kodvwa awuva lutfo.”

Isaya 43:8

Letsani labo labanemehlo kodvwa babe batimphumphutse, labo labanetindlebe kodvwa babe batihhulu.

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hoseya 1:9

Simakadze wase utsi: “Lendvodzana yetse libito utsi nguLo Ami, ngobe anisiso sive sami, nami futsi angisiye Nkulunkulu wenu.”

Makho 4:12

kuze kutsi: “ ‘Nome babona, bangakhanyelwa kahle, nome beva, bangacacelwa kahle, bangetiwuphendvuka babuyele kuNkulunkulu, batsetselelwe tono tabo.’ ”

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

KubaseRoma 11:8

njengobe kubhaliwe kutsi: “Nkulunkulu wabanika umoya webulima, nemehlo ekungaboni, netindlebe tekungeva, kuze kube ngulamuhla.”

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.