Isaya 6:2 - Siswati 1996 Bible

² Ngetulu kwakhe kwakunemaserafi amkhonta, ngulelo nalelo lalinetimphiko letisitfupha: ngetimphiko letimbili atimbonya buso bawo, ngaletimbili atimbonya tinyawo tawo, bese kutsi ngaleti letimbili abe andiza.

Isaya 6:2 Referencias Cruzadas

Genesisi 17:3

Abrama wakhotsamisa buso bakhe, batsintsa phansi, Nkulunkulu watsi kuye:

1 Emakhosi 19:13

Watsi kube Elija alive, wambonya buso bakhe ngengubo yakhe, waphuma wayakuma ekungeneni kwemgedze. Lelivi lalikhuluma kuye, latsi: “Wentani lapha, Elija?”

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

1 Emakhosi 6:24

Luphiko lulunye lwelikherubhi lwalungemamitha labengaba mabili nencenye yesine yelimitha budze, nalolu lolunye lwalungemamitha labengaba mabili nencenye yesine yelimitha budze, bese kuba ngemamitha labengaba mane nesigamu kusuka ekugcineni kwaloluphiko lolungala, kuye ekugcineni kwaloluphiko lolungale.

1 Emakhosi 6:27

Lamakherubhi Solomoni wawemisa ekhatsi nendzawo lengcwelengcwele, emaphiko awo avulekile. Luphiko lwalelinye likherubhi lwatsintsa lubondza ngala, kanjalo nelwaleli lelinye lwatsintsa lubondza lolungale, kwatsi leti letinye timphiko tawo tatsintsana ekhatsi nendzawo lengcwelengcwele.

1 Emakhosi 8:7

Emakherubhi abelulele timphiko tawo etikwalendzawo yelibhokisi lesivumelwane alisitsa kanye netimboko talo tekuletfwala.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Jobe 1:6

Kwatsi ngalelinye lilanga emadvodzana aNkulunkulu atsatsa tindzawo tawo embikwaSimakadze, naSathane watfolakala asemkhatsini wawo.

Jobe 15:15

Nangabe Nkulunkulu akabetsembi labangcwele bakhe, nangabe ngisho nemazulu akahlanteki emehlweni akhe,

Jobe 4:18

Nangabe Nkulunkulu angatetsembi tinceku takhe, nangabe tingilosi takhe atibeka licala,

Tihlabelelo 103:20

Dvumisani Simakadze, nine tingilosi takhe, nani machawe lanemandla, nine labenta livi lakhe, nilalele kukhuluma kwelivi lakhe.

Tihlabelelo 104:4

Nguwe lowenta titfunywa takho tibe ngimimoya, wente tinceku takho tibe ngimibane.

Tihlabelelo 18:10

Wagibela likherubhi, wandiza, wantjuza asetikwemaphiko emoya.

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Eksodusi 25:20

Lamakherubhi kufanele avule emaphiko awo engamele lesihlalo semusa abukane, abheke lesihlalo semusa.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Eksodusi 37:9

Lamakherubhi abebhekene, abuka leso simbonyo, avule timphiko tawo engamele sihlalo semusa.

Isaya 6:6

Kepha lelinye lemaserafi landiza leta kimi, liphetse lilahle lelivutsako esandleni salo, lelalilitsetse ngeludlawu elatini.

Hezekeli 1:11

Babunjalo-ke buso bato. Timphiko tato tatendlalekele etulu; sisinye sasinetimphiko letinye letimbili, lunye luphiko lutsintsana neluphiko lwalesinye sidalwa ngala nangale, bese kutsi leti letinye timphiko letimbili tembese umtimba waso.

Hezekeli 1:24

Tatitsi natihamba letidalwa, ngive umsindvo wetimphiko tato unjengekudvuma kwemanti lagijimako, nanjengeliphimbo laSomandla, nanjengemdvumo wemphi. Tatitsi natima, tehlise timphiko tato.

Hezekeli 1:4

Ngabuka, ngabona sivunguvungu sichamuka ngasenyakatfo, bekulifu lelikhulukati linebumanyamanya bembane, lalitungeletwe kukhanya lokumengetelako. Ekhatsi enkhabeni yalomlilo kwakukhona lokwakufanana nelitfusi lelimanyatelako,

Hezekeli 1:6

kodvwa nguleso naleso sasinebuso lobune netimphiko letine.

Hezekeli 1:9

letimphiko tato tatitsintsana. Nguleso naleso sidalwa sasihamba sicondze embili; tatingagucuki ngesikhatsi natihamba.

Hezekeli 10:16

Kwakutsi lamakherubhi nakanyakata ahamba, nalamasondvo lasemihlubulweni yawo ahambe, kutsi lamakherubhi nakavula timphiko tawo afuna kundiza, esuke emhlabatsini, lamasondvo angete esuka lapha emihlubulweni yawo.

Hezekeli 10:21

Lilinye lalinebuso lobune, netimphiko letine, nangaphansi kwetimphiko tawo kwakunentfo leyayifanana netandla temuntfu.

Danyela 7:10

Kwakugeleta umfula wemlilo, siyalu sawo sicubuka embikwakhe. Tinkhulungwane tetinkhulungwane tatimsingatsile. Tinkhulungwane letilishumi tiphindvwe katinkhulungwane letilishumi tatime embikwakhe. Behluleli bahlala phansi. Tincwadzi tavulwa.

Danyela 9:21

ngatsi ngisesemthandazweni, kwefika Gabriyeli, leyo ndvodza lengangiyibone embonweni wakucala, wefika kimi njengembane, ngesikhatsi semnikelo wakusihlwa.

Zakhariya 3:4

Lengilosi yakhuluma kulabasiti lababeme embikwayo, yatsi: “Mkhumuleni letimphahla takhe letingcolile.” Yakhuluma kuJeshuwa, yatsi: “Ase ubuke, sono sakho sengisisusile, futsi ngitakwembatsisa imijiva lehlantekile lemihle kakhulu.”

Lukha 1:10

Sicumbi sonkhe sebantfu sasithandaza ngephandle ngesikhatsi ashisa imphepho.

KumaHebheru 1:7

Ngetingilosi utsi: “Nguye lowenta tingilosi takhe tibe ngimimoya, netikhonti takhe tibe ngemalangabi emlilo.”

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”

Sembulo 7:11

Tonkhe tingilosi tema tatungeleta sihlalo sebukhosi, nemalunga, netidalwa letine, tawa phansi ngebuso embikwesihlalo sebukhosi, takhonta Nkulunkulu,

Sembulo 8:13

Kwatsi kusenjalo ngabona lusweti lundiza emkhatsini welizulu. Ngaluva lumemeta ngelivi lelikhulu lutsi: “Maye! Maye! Maye kulabakhile emhlabeni, nasekukhala emacilongo lasetawushaywa tingilosi letintsatfu!”