Isaya 59:9 - Siswati 1996 Bible

⁹ Ngako kwehlulela ngebucotfo kukhashane natsi, nekulunga akufinyeleli kitsi. Sifuna kukhanya, kodvwa konkhe kumnyama, sifune bucwebecwebe, kodvwa sihambe kulamnyama ematfunti.

Isaya 59:9 Referencias Cruzadas

Jobe 19:8

Utivalile tindlela tami, entela kutsi ngingakhoni kwendlula, wembatsise tindlela tami ngebumnyama.

Jobe 30:26

Kodvwa nangitsi ngifuna lokuhle, kusuke kufike lokubi; nangitsi ngifuna kukhanya, kusuke kuchamuke bumnyama.

Tihlabelelo 82:5

“Abati lutfo, abacondzi lutfo, badvukuta ebumnyameni; tonkhe tisekelo temhlaba tiyatanyatanyiswa.

Taga 4:19

Indlela yalababi ifanana nebumnyama, lababi abati nalapho bakhubeka bawe khona.

Isaya 5:30

Ngalelo langa bayawubhodla etikwa-Israyeli njengekubhodla kwelwandle. Umuntfu uyawutsi nakabuka live, abone bumnyama lobesabekako; ngisho nekukhanya imbala emafu ayawukwenta kube bumnyama.

Isaya 59:11

Sonkhe siyavungama njengemabhele, siyakhala sibubula njengematuba, sifuna umtsetfocotfo, kodvwa asiwutfoli; sifuna nekukhululwa, kodvwa kukhashane natsi.

Isaya 59:14

Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.

Isaya 59:8

Indlela yekuthula abayati; kute umtsetfocotfo emikhondvweni yabo. Bayigucule bayenta tindlela letimatombetombe, kute namunye lohamba ngato loyawutfola kuthula.

Isaya 8:21

Bayawukwehla benyuka eveni bajabhile futsi balambile, ngesikhatsi sebahwaywe yindlala, bayawuvutsa ngelulaka, babuke etulu, bacalekise inkhosi yabo kanye naNkulunkulu wabo.

Isaya 8:22

Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 14:19

Sewumlahle kokuphela yini Juda? Umbukela phansi yini Siyoni? Usishayelani sive singete sakhona kuphiliswa nje? Sasetsemba kutsi kutawuba nekuthula nenhlalakahle, kodvwa kute nakunye lokuhle lokusehlele. Setsemba sikhatsi sekuphiliswa, kodvwa kwaba nekutfutfumela kuphela.

Jeremiya 8:15

Besetsembe kuthula, kodvwa kute lokuhle lokufikile, besetsembe sikhatsi sekuphiliswa, kwefika lokwesabisako kodvwa nje.

Sililo 3:2

Ungicoshile, wangenta ngahamba ngetinyawo, ngahamba ebumnyameni kungesiko ekukhanyeni.

Sililo 4:14

Nyalo baphrofethi nebaphristi sebadvukuta etitaladini njengemadvodza latimphumphutse. Tingubo tabo setishone ingati, tadzimate tangcola lokwekutsi sekute namunye lofisa nekutitsintsa ngesandla tembatfo tabo.

Amose 8:9

INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Mikha 1:12

Takhamiti taseMarothi timele kusitakala kwato ngekulangatelela lokukhulu, ngobe Simakadze usondzete sigemegeme emasangweni aseJerusalema.

Habakhuki 1:13

Emehlo akho ahlanteke kakhulu kutsi angabuka bubi; ungeke ukubeketelele kuhlushwa kwalabacindzetelwe. Manje-ke ubabeketelelani laba labambulutako? Ubindzeleni ngesikhatsi lababi bamita labo labalunge kwengca bona?

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.