Isaya 59:4 - Siswati 1996 Bible

⁴ Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Isaya 59:4 Referencias Cruzadas

Jobe 15:31

Akangatiyengi ngekwetsemba loko lokulihobosha, ngobe kute layakukutfola ngaloko.

Jobe 15:35

Labo bantfu bemitsa inhlupheko, bese batala bubi. Sisu sabo sitilungiselela njalo emacebo.”

Tihlabelelo 12:3

Shangatsi Simakadze angatihhumbula letindzebe letitigabatisa kakhulu, ajube lulwimi loluncemphetako.

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Tihlabelelo 62:4

Bafuna licebo lekumketula esikhundleni sakhe lesiphakeme, batsandza emanga. Ngemilomo yabo bayabusisa, kodvwa etinhlitiyweni tabo bayacalekisa. Cabanga.

Tihlabelelo 7:15

Umba umgodzi wekuhholokoshisela labanye, bese kuhholokoshela yena kulomgodzi lawumbile.

Taga 4:16

Bantfu lababi abalali bangakenti lokubi, bayacwasha bangalali nabangakoni muntfu.

Isaya 10:1

Maye kulabo labashaya imitsetfo lengakalungi, kulabo labashaya imitsetfo yekucindzetela,

Isaya 26:18

Sasikhulelwe, sajilajileka ngetinhlungu, kodvwa sesuka satala umoya. Asikayiletsi insindziso emhlabeni; asikatitali tive letisemhlabeni.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Isaya 29:20

Labanelunya bayawunyamalala, baphukuti bayawuphela, bonkhe labaneliso lengulube bayawuncanyulwa,

Isaya 30:12

Ngako-ke naku lokushiwo nguLongcwele waka-Israyeli, utsi: “Ngobe niwalile lomlayeto, netsembela kumcindzeteli, natesekela ngekuyengwa,

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 33:11

Nemitsa emakhoba, nitale tibi; kuphefumula kwenu kungumlilo lonicotfulako.

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Isaya 47:10

Wetsembele ebubini bakho, watsi: ‘Kute namunye longibonako.’ Kuhlakanipha nekwati kwakho kuyakonisa, nawuticabanga utsi: ‘Ngimi ngimi, kute lomunye ngaphandle kwami.’

Isaya 5:18

Maye kulabo labahudvula sono ngetintsambo temacebo, badvonse bubi kube shangatsi kungetintsambo tetincola,

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 59:15

Liciniso alisatfolakali ndzawo. Bonkhe lababalekela bubi batingelwa njengetinyamatane. Simakadze wabuka wangete wajabula, ngenca yekutsi sekute kulandzela umtsetfocotfo.

Isaya 59:16

Wabona kutsi kute muntfu, wamangala kakhulu ngekutsi kute namunye lomela kulunga, ngako ingalo yakhe yalwela insindziso yakhe, nekulunga kwakhe kwamsimamisa.

Isaya 59:3

Ngobe tandla tenu tingcoliswe yingati, nemino yenu igcwele emacala. Imilomo yenu ikhulume emanga, netilwimi tenu tihebeta tintfo letimbi.

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Isaya 9:15

Labadzala nemadvodza langimisumphe ngubona bayinhloko. Baphrofethi labafundzisa emanga bona bangumsila.

Jeremiya 48:7

Njengobe netsembele etentweni tenu nasebunjingeni benu, nani niyawutsatfwa niyiswe ekutfunjweni, naKhemoshi, sithico senu, uyawuyiswa ekudzingisweni kanye nebaphristi bakhe netindvuna takhe.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Jeremiya 7:4

Ningawetsembi lamagama langemanga nitsi: “Leli lithempeli laSimakadze, lithempeli laSimakadze, lithempeli laSimakadze!”

Jeremiya 7:8

Kodvwa bukani la, nine netsembele emavini langemanga nalangenamsebenti.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Imisebenti yebaPhostoli 24:9

NemaJuda asukuma nawo amvumela, atsi vele kunjalo.

YaJakobe 1:15

Nangabe inkhanuko seyitsatsile, itala sono; sono nase siphelele, sitala kufa.