Isaya 59:14 - Siswati 1996 Bible

¹⁴ Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.

Isaya 59:14 Referencias Cruzadas

1 Emakhosi 21:10

Kodvwa nibobe senihlalisa emahuzu lamabili embikwakhe, niwente afakaze kutsi ucalekise Nkulunkulu nenkhosi, bese nimkhiphela ngephandle, nimgcobe ngematje, aze afe.”

1 Emakhosi 21:11

Ngako baholi nebahlonishwa labebahlala edolobheni lakuboNabothi benta njengobe batjelwe nguJezebeli etincwadzini labebabhalele tona.

Tihlabelelo 119:150

Bayasondzela labo labangitondzako, labanemacebo ebubi, kodvwa bakhashane nemtsetfo wakho.

Umshumayeli 3:16

Ngetulu kwaloko kukhona lokunye lengaphindze ngakubona lapha ngaphansi kwemtfunti welilanga: lapho kwakufanele kusebenta khona umtsetfo, kwasebenta umonakalo; lapho kwakufanele kusebente khona kulunga, kwasebenta umonakalo.

Isaya 1:21

Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!

Isaya 46:12

Lalelani kimi, nine bonhlitiyo letinenkhani, nine lenikhashane nekulunga.

Isaya 5:23

labemukela umdizo, khona batawukhulula labo labanelicala, kuze babalahle ngelicala labo labate licala.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 59:11

Sonkhe siyavungama njengemabhele, siyakhala sibubula njengematuba, sifuna umtsetfocotfo, kodvwa asiwutfoli; sifuna nekukhululwa, kodvwa kukhashane natsi.

Isaya 59:4

Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Isaya 59:9

Ngako kwehlulela ngebucotfo kukhashane natsi, nekulunga akufinyeleli kitsi. Sifuna kukhanya, kodvwa konkhe kumnyama, sifune bucwebecwebe, kodvwa sihambe kulamnyama ematfunti.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Jeremiya 7:28

Ngako-ke tsani kubo: ‘Lesi sive lesingamlalelanga Simakadze Nkulunkulu waso, futsi asiphendvukanga nasicondziswa. Liciniso seliphelile; linyamalele emilonyeni yabo.

Danyela 8:12

Ngenca yebuphekula, libandla lalabangcwele nemihlatjelo yemalanga onkhe kwaniketelwa kulo. Lwachubeka lwaba nemphumelelo kuko konkhe lolwalukwenta, liciniso lase lidzicelwa phansi emhlabatsini.

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 5:7

Nine lenigucule imphatfocotfo nayenta yababa, kulunga nakudzaceka phansi emhlabatsini!

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Habakhuki 1:4

Ngako-ke umtsetfo sewuchwale waze waba butsakatsaka, akusehlulelwa ngebucotfo. Lababi behlula labalungile, kuze kutsi bucotfo bemtsetfo buphanjukiswe.