Isaya 59:13 - Siswati 1996 Bible

¹³ kuhlubuka nekumbulutela Simakadze, nekumfulatsela kwetfu Nkulunkulu wetfu. Sivusa umoya wencindzetelo newekuvuka indlwabane, tinhlitiyo tetfu temitse kukhuluma emanga.

Isaya 59:13 Referencias Cruzadas

Jobe 31:28

nakunjalo-ke, konkhe loko tono lokusafanele tehlulelwe, ngobe ngabe bengingaketsembeki kuNkulunkulu losetulu.

Tihlabelelo 18:21

ngobe imiyalo yaSimakadze ngiyigcinile. Angikenti lutfo lolubi; angikamfulatseli Nkulunkulu wami.

Tihlabelelo 78:36

Kodvwa babencempheta ngemilomo yabo, bacala emanga kuye ngetilwimi tabo,

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Isaya 10:1

Maye kulabo labashaya imitsetfo lengakalungi, kulabo labashaya imitsetfo yekucindzetela,

Isaya 30:12

Ngako-ke naku lokushiwo nguLongcwele waka-Israyeli, utsi: “Ngobe niwalile lomlayeto, netsembela kumcindzeteli, natesekela ngekuyengwa,

Isaya 31:6

Buyelani kuNkulunkulu, nine ma-Israyeli, nine lesenimhlubuke kangaka.

Isaya 32:6

Ngobe silima sikhuluma bulima, ingcondvo yaso ishikaneka ngalokubi, siphila ngekungamesabi Nkulunkulu, sisakate emanga ngaSimakadze; lolambile simshiya angenalutfo, kutsi nalowomile singamniki emanti.

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Isaya 58:13

“Nawugcina tinyawo takho tingalephuli liSabatha, ungakwenti loko lokutsandvwa nguwe ngelilanga lami lelingcwele, nawubita liSabatha ngekutsi lilanga lenjabulo nelilanga lelingcwele laSimakadze lelihloniphekile, futsi nawulihlonipha ngekungahambi ngendlela yakho, ungenti njengekutsandza kwakho, ungakhulumi emavi lalite,

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Isaya 58:9

Uyawumemeta, Simakadze akuphendvule, uyawukhala ucele lusito, atsi yena: ‘Ngilapha.’ “Nawususa lijoko lekucindzetela, nemino lekhombako, nekukhuluma ngenzondo,

Jeremiya 12:8

Lifa lami selifanana nelibhubesi lasehlatsini kimi. Liyangihhongela; ngako ngiyalenyanya.

Jeremiya 17:13

Awu, Simakadze, tsemba lema-Israyeli, bonkhe labakushiyako bayawuhlazeka. Labo labakufulatselako bayawubhalwa elutfulini, ngobe bamshiyile Simakadze, umtfombo wemanti laphilako.

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 2:16

Kanjalo futsi nebantfu baseMemfisi nebaseThaphanesi bahhumbule lukhakhayi lwenhloko yakho.

Jeremiya 2:17

Ngabe anikatiletseli nine yini loku, ngalokutsi nishiye Simakadze Nkulunkulu wenu ngesikhatsi asanihola kahle endleleni?

Jeremiya 3:10

Ngetulu kwako konkhe loko, dzadzewabo longetsembeki, Juda, akazange abuyele kimi ngayo yonkhe inhlitiyo yakhe, kodvwa kwaba ngekutentisa nje,” kusho Simakadze.

Jeremiya 3:20

Kodvwa njengemfati longaketsembeki endvodzeni yakhe, kanjalo, wenandlu yaka-Israyeli, awuketsembeki kimi,” kusho Simakadze.

Jeremiya 32:40

Ngiyakwenta nabo sivumelwane saphakadze: Ngingeke ngiyekele kwenta lokuhle kubo, nabo ngibafake umoya wekungesaba, khona bangeyiwuphindze bahlubuke kimi.

Jeremiya 42:20

kutsi nenta siphosiso lesesabekako ngesikhatsi ningitfuma kuSimakadze longuNkulunkulu wenu, natsi: ‘Sithandazele kuSimakadze wetfu; sitjele konkhe lakushoko, sitakwenta.’

Jeremiya 5:23

Kodvwa labantfu banenkhani netinhlitiyo letihlubukako, bakhweshele eceleni bahamba.

Hezekeli 18:25

“Kodvwa nine nitsi: ‘Indlela yaSimakadze ayikalungi.’ Lalelani-ke, ninendlu yaka-Israyeli, ayikalungi yini indlela yami? Angitsi tindlela tenu letingakalungi?

Hezekeli 6:9

Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Hoseya 1:2

Watsi kube Simakadze acale kukhuluma naHoseya, Simakadze wakhuluma kuye, watsi: “Hamba utsatse umfati loyingwadla lonebantfwana labatelwe ngebugwadla, ngobe live linelicala lebugwadla lobesabekako, selisukile kuSimakadze.”

Hoseya 11:12

Efrayimu ungitungelete ngemanga, indlu yaka-Israyeli yangitungeleta ngenkhohliso. Juda naye usichomoketi lesimelene naNkulunkulu, yebo, umelene naLongcwele lowetsembekile.

Hoseya 6:7

Njenga-Adamu, sebasephulile sivumelwane, abaketsembeki kimi.

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Hoseya 7:13

Maye kubo! Ngobe besukile kimi! Imbhubhiso kubo! Ngobe bangihlubukile bemelana nami! Ngifisa kangaka kubahlenga, kodvwa bakhuluma emanga ngami.

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Matewu 10:33

Kodvwa lowo longiphika embikwebantfu, nami ngiyawumphika embikwaBabe losezulwini.”

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

KumaHebheru 3:12

Caphelani-ke, bazalwane, kutsi kubete emkhatsini wenu lonenhlitiyo lembi nalengakholwa, longahle ahlubuke loNkulunkulu lophilako.

YaJakobe 1:15

Nangabe inkhanuko seyitsatsile, itala sono; sono nase siphelele, sitala kufa.

YaJakobe 3:6

Lulwimi lungumlilo, lulive lebubi, lulwimi lusitfo lesingcolisa wonkhe umtimba, lokhela yonkhe imphilo ngemlilo lulunyekwa sihogo.

Joshuwa 24:27

Wakhuluma kubantfu, watsi: “Bukani la! Lelitje litawuba ngufakazi wekumelana natsi. Liwevile onkhe lamavi lakhulunywe nguSimakadze kitsi. Litawuba ngufakazi wekunilahla ngelicala, nangabe aniketsembeki kuNkulunkulu wenu.”