Isaya 59:12 - Siswati 1996 Bible

¹² Tiphambuko tetfu tinyenti emehlweni akho, netono tetfu tiyasimangalela. Tiphambuko tetfu tikitsi njalo nje, kona kwetfu siyakuvuma:

Isaya 59:12 Referencias Cruzadas

Ezra 9:13

“Loko lokusehlele kungumphumela wetento tetfu letimbi, nelicala letfu lelikhulu, noko, Nkulunkulu wetfu, awukasijezisi njengalokufanele tono tetfu, sewuze wasinika nensali lefana nalena.

Ezra 9:6

ngathandaza ngatsi: “Maye, Nkulunkulu wami, ngijabhile kakhulu futsi nginemahloni kutsi ngingaphakamisela kanjani buso bami kuwe, Nkulunkulu wami, ngobe tono tetfu setiphakeme kakhulu tengama tinhloko tetfu, nebubi betfu sebufikele emazulwini.

Nehemiya 9:33

Kuko konkhe loko lokusehlele wena bewusolo ulungile wenta tintfo ngekwetsembeka, lite nome tsine besenta lokubi.

Tihlabelelo 51:3

Ngobe ngiyatati tiphambuko tami, sono sami sisembikwami njalo.

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 3:9

Kukhetsa kwabo buso ekwehluleleni kubufakazi lobumelene nabo; bashengetisa ngesono sabo njengeSodoma, abasifihli nakancane. Maye kubo! Batiletsele inhlekelele etikwabo.

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Jeremiya 14:7

Nome tono tetfu tisilahla ngelicala, awu Simakadze, mane wente lutfo ngenca yeLibito lakho. Ngobe kuhlubuka kwetfu kukhulu, sonile kuwe.

Jeremiya 3:2

“Phakamisela emehlo akho etulu eticongweni letingenalutfo, ubone. Ikhona yini indzawo lapho bangazange sebakulale khona? Njengalondzindzako ehlane, wahlala eceleni kwemgwaco ulindzele tiphingi. Ulingcolisile lelive ngebugwadla bakho nangekukhohlakala kwakho.

Hezekeli 5:6

Noko ngebubi bayo iyihlubukile imitsetfo yami netimiso tami, kwendlula tive nemave layitungeletile. Iyilahlile imitsetfo yami, yangete yatilandzela netimiso tami.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Hezekeli 7:23

“Lungisani tinketane, ngobe lelive ligcwele kugobhota kwengati, nelidolobha ligcwele budlwangudlwangu.

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Hoseya 5:5

Kutigcabha kwema-Israyeli kubufakazi lobumelene nawo; ema-Israyeli, ngisho na-Efrayimu, bayakhubateka esonweni sabo; ngisho naJuda ukhubateka kanye nabo.

Hoseya 7:10

Kutigcabha kwa-Israyeli kubufakazi lobumelene naye, kodvwa etikwako konkhe loko akabuyeli kuSimakadze Nkulunkulu wakhe, nome-ke amfune.

Habakhuki 1:4

Ngako-ke umtsetfo sewuchwale waze waba butsakatsaka, akusehlulelwa ngebucotfo. Lababi behlula labalungile, kuze kutsi bucotfo bemtsetfo buphanjukiswe.

Numeri 32:23

Kodvwa naningakwenti loko, niyona kuSimakadze, futsi-ke nibociniseka-ke kutsi salakutjelwa sibona ngemopho.