Isaya 59:11 - Siswati 1996 Bible

¹¹ Sonkhe siyavungama njengemabhele, siyakhala sibubula njengematuba, sifuna umtsetfocotfo, kodvwa asiwutfoli; sifuna nekukhululwa, kodvwa kukhashane natsi.

Isaya 59:11 Referencias Cruzadas

Tihlabelelo 119:150

Bayasondzela labo labangitondzako, labanemacebo ebubi, kodvwa bakhashane nemtsetfo wakho.

Tihlabelelo 119:155

Insindziso ikhashane nalababi, ngobe abatifuni timiso takho.

Tihlabelelo 38:8

Ngibutsakatsaka, ngidvubuteke kabi, ngiyabubula ngenca yekutfutfumela enhlitiyweni yami.

Tihlabelelo 55:2

Nginake, ungiphendvule. Imicabango yami iyangihlupha, sengidzimate ngakhatsateka,

Tihlabelelo 85:9

Ngempela insindziso yakhe isedvute kulabo labamesabako, kuze live letfu libe neludvumo lwakhe,

Isaya 38:14

Ngantjilota ngikhalisa kwenkhonjane, ngabubula ngakhalisa kwelituba, emehlo ami aba luvitsi, nangitsi ngibuka etulu emazulwini, ngihluphekile. Awu Simakadze, wota ungelekelele.”

Isaya 51:20

Emadvodzana akho acalekile, adzindzibele ekugcineni kwato tonkhe titaladi njengenyamatane ibanjwe elugibeni. Emadvodzana akho ehlelwe yintfukutselo yaSimakadze, ahlaselwa kwekhutwa nguNkulunkulu wakho.

Isaya 59:14

Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.

Isaya 59:8

Indlela yekuthula abayati; kute umtsetfocotfo emikhondvweni yabo. Bayigucule bayenta tindlela letimatombetombe, kute namunye lohamba ngato loyawutfola kuthula.

Isaya 59:9

Ngako kwehlulela ngebucotfo kukhashane natsi, nekulunga akufinyeleli kitsi. Sifuna kukhanya, kodvwa konkhe kumnyama, sifune bucwebecwebe, kodvwa sihambe kulamnyama ematfunti.

Jeremiya 8:15

Besetsembe kuthula, kodvwa kute lokuhle lokufikile, besetsembe sikhatsi sekuphiliswa, kwefika lokwesabisako kodvwa nje.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Sililo 3:17

Ngidlelelwe kuthula, ngadzimate ngakhohlwa nekutsi kuyini kuphumelela.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.

Nahume 2:7

Kushaywa umtsetfo wekutsi lelidolobha alidzingiswe lisuswe lapha. Emantfombatana akhona latigcili adzindza sililo; adzindza sililo atikhalela.

Nahume 2:8

Njengesitiba semanti, injalo neNineve; bantfu bayo bayabaleka kuyo, banjengemanti lageleta esuka esitibeni sawo. Bamemeta batsi: “Manini! Manini!” Kodvwa kute ngisho namunye lobanakako.