Isaya 59:10 - Siswati 1996 Bible

¹⁰ Njengemphumphutse, siphutsata indlela ngetandla sigudla lubondza, siphutsate indlela njengebantfu labate emehlo. Emini siyakhubatela kube shangatsi sekuhlwile, emkhatsini walabanemandla sinjengalabafile.

Isaya 59:10 Referencias Cruzadas

Jobe 5:14

Behlelwa bumnyama lobukhasa phansi emini, litsi libalele lise nga, bona bahambe baphumphutsa njengasebusuku.

Taga 4:19

Indlela yalababi ifanana nebumnyama, lababi abati nalapho bakhubeka bawe khona.

Isaya 28:13

Ngako-ke livi laSimakadze kubo liyawuba kutsi: “Savu lasavu, savu lasavu, khavu lakhavu, khavu lakhavu, ziyere shamu, ziyere shamu,” kuze batewuhamba baze bawe ngetiphundvu, balimale babanjwe, bese bayatfunjwa.

Isaya 8:14

Nguye loyawuba siphephelo senu; kodvwa kuto totimbili tindlu tema-Israyeli uyawuba litje leliyawukhuba bantfu nelidvwala leliyawubenta bawe. Kubantfu baseJerusalema uyawuba lugibe nasochaka.

Isaya 8:15

“Labanyenti babo bayawukhubatela; bayakuwa bephuke nekwephuka, bayakwetsiywa baze babanjwe.”

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Sililo 3:6

Ungihlalise ebumnyameni, nginjengalabo lasebalala kadzeni emadlizeni.

Sililo 4:14

Nyalo baphrofethi nebaphristi sebadvukuta etitaladini njengemadvodza latimphumphutse. Tingubo tabo setishone ingati, tadzimate tangcola lokwekutsi sekute namunye lofisa nekutitsintsa ngesandla tembatfo tabo.

Hezekeli 21:15

Kuze tinhlitiyo titewujabha, nalabawile babe banyenti, inkemba sengiyimisele kugwaza kuwo onkhe emasango abo. Awu! Yentelwe kumanyatela njengembane, ibanjelwe kugwaza.

Amose 8:9

INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Mikha 3:6

“Baphrofethi, sekusele kancane kuniphelele; yebo, selinishonele lilanga. Njengobe naku nedukisa sive sami, ningeke niphindze nibe netiphrofetho temibono, futsi ningeke nikwati kukubona lokutako kusengakefiki.”

Johane 12:35

Jesu wabaphendvula watsi: “Kukhanya kusetawuba nani kwesikhashana nje. Ngako hambani kusenekukhanya, kuze ningetikwehlelwa bumnyama, ngobe lohamba ebumnyameni akaboni lapho aya khona.

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

Dutheronomi 28:29

Kuyawutsi emini kala bha, niphumphutse indlela njengemphumphutse ebumnyameni. Aniyiwuphumelela kuko konkhe lenikwentako, imihla ngemihla niyawube nicindzetelekile, niphangwe, kubete nalonephulako.

1 yaJohane 2:11

Kodvwa lowo lotondza umzalwane wakhe usebumnyameni, uhamba ebumnyameni, futsi akati nekutsi uyaphi, ngobe bumnyama buphumphutsekise emehlo akhe.