Isaya 59:1 - Siswati 1996 Bible

¹ Nembala, ingalo yaSimakadze ayiyimfisha kangako kutsi ingete yasindzisa, nendlebe yakhe ayisiso sihhulu kutsi ingete yeva.

Isaya 59:1 Referencias Cruzadas

Genesisi 18:14

Kukhona yini lokungamehlula Simakadze? Njengobe sengishito, ngitawubuya la kuwe ngemnyaka lotako. Sara utawuba nendvodzana.”

Tihlabelelo 94:9

Nguye lowadala indlebe, pho, angehluleka yini kuva? Nguye lowadala liso, pho, angehluleka yini kubona?

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 58:9

Uyawumemeta, Simakadze akuphendvule, uyawukhala ucele lusito, atsi yena: ‘Ngilapha.’ “Nawususa lijoko lekucindzetela, nemino lekhombako, nekukhuluma ngenzondo,

Isaya 6:10

Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”

Isaya 63:1

Ngubani lona lochamuka ka-Edomu, lobuya eBhosra, lonetingubo letibhocwe ngalokubovu njengengati? Ngubani yena lona, lowembetse umjiva webukhosi lokhatimulako, lohamba acanase ngebukhulu bemandla akhe? “Ngimi, lengikhuluma ngekulunga, lonemandla ekusindzisa.”

Isaya 65:24

Bayawutsi bangakangibiti, ngisabele, bayawutsi basakhuluma, ngive.

Jeremiya 14:9

Wentelani kufanana nemuntfu lomangele, ube njengelisotja lelite emandla ekusindzisa? Awu Simakadze, wena usemkhatsini wetfu, tsine sibitwa ngeLibito lakho, ungasilahli!

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Hezekeli 8:18

Ngako-ke ngitawubesukela ngente kubo njengekwentfukutselo yami; ngingeke ngibabuke ngemehlo esihawu, futsi ngeke ngibayekele. Nome bangamemeta badzatimule etindlebeni tami, ngingeke ngibeve.”

Mikha 2:7

Ucabanga kutsi sive saka-Israyeli singaphansi kwesicalekiso yini? Kungabe Nkulunkulu sewulahlekelwe kubeketela kwakhe yini? Angayenta kambe intfo lenje? “Akakhulumi kahle yini kulabo labenta lokuhle?”

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Matewu 13:15

Ngobe inhlitiyo yalesive seyaba lukhuni, netindlebe tabo tiva kamatima, emehlo abo bawavalile; funa mhlawumbe ngemehlo abo babone, nangetindlebe tabo beve, nangetinhlitiyo tabo bacondze baphendvuke, bese ngiyabaphilisa.’

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

1 Samuweli 4:3

Kwatsi emabutfo nakabuya enkambu, baholi bema-Israyeli babutana bodvwa, batsi: “Wentiwe yini kutsi Simakadze lamuhla asiyekelele sibhujiswe sehlulwe ngemaFilisti? Asilandze libhokisi lesivumelwane saSimakadze eShilo, kuze litewuhamba kanye natsi lisephule etandleni tetitsa tetfu.”

1 Samuweli 8:18

Nakufika lelo langa, niyawukhalela kwephulwa kuleyo nkhosi leniyawube niyikhetsile; Simakadze angeke aniphendvule ngalelo langa.”