Isaya 58:14 - Siswati 1996 Bible

¹⁴ ngulapho uyawutfola khona-ke kujabula kwakho kuSimakadze, ngiyawukwenta ukhuphukele eticongweni telive, ube nenala udle nelifa leyihlomkhulu Jakobe.” Umlomo waSimakadze sewukhulumile.

Isaya 58:14 Referencias Cruzadas

Jobe 22:26

Impela, Somandla uyakuba kujabula kwakho, wenyusele buso bakho kuNkulunkulu.

Jobe 27:10

Uyawutijabulisa yini ngaSomandla? Uyawulibita ngaso sonkhe sikhatsi yini libito laNkulunkulu?

Jobe 34:9

ngobe utsi: ‘Umuntfu akumsiti ngalutfo kwetama kujabulisa Nkulunkulu.’

Tihlabelelo 135:12

Wenta live lawo laba lifa, walenta lifa laka-Israyeli, sive sakhe.

Tihlabelelo 136:21

Wephana ngelive labo laba lifa, ngobe umusa wakhe ume kuze kube phakadze,

Tihlabelelo 36:8

Badla indvodla yekudla, badzimate besutse endlini yakho, ubanatsise emanti emfuleni wakho wentfokoto,

Tihlabelelo 37:11

Kodvwa labamnene bayawulidla lifa lemhlaba, bahlale kahle, batijabulise ngekuthula lokukhulu.

Tihlabelelo 37:4

Yenta Simakadze abe yinjabulo yakho, yena-ke utakupha lokufiswa yinhlitiyo yakho.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Isaya 34:16

Ase nibuke encwadzini legocotwako yaSimakadze nifundze. Kute nakunye kwaloku lokuyawusilela, kute lokuyakweswela singani sako. Ngobe ngumlomo wakhe lona lokhiphe lomyalo, naMoya wakhe uyawukubutsela ndzawonye.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Jeremiya 3:19

“Mine cobo lwami, ngatsi: ‘Bengingajabula kanjani kuniphatsisa kwemadvodzana ami, ngininike live lelifanelekile kakhulu, lifa lelihle kakhulu kwendlula tonkhe letinye tive.’ Bengicabanga ngitsi nitangibita, nitsi kimi: ‘Babe,’ ningajiki ekulandzeleni mine.

Hezekeli 36:2

Naku lokushiwo yiNkhosi Simakadze, itsi: Sitsa sakhuluma ngani, satsi: “Hha! Ticongo takadzeni setilifa letfu.” ’

Mikha 4:4

Bonkhe bantfu bayawuhlala ngekuthula ngulowo nalowo esivinini sakhe nasemikhiweni yakhe, kubete lobesabisako. Loku kwetsenjiswe nguSimakadze, longuSomandla.

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,