Isaya 58:10 - Siswati 1996 Bible

¹⁰ nawutinikela ekondleni labalambile, wenetise tidzingo talabacindzetelwe, ngulapho-ke kukhanya kwakho kuyawuphuma ebumnyameni kukukhanyisele, nebusuku bakho buyawufanana nasemini kala bha.

Isaya 58:10 Referencias Cruzadas

Jobe 11:17

kuphila kutawukhanya kwendlule imini, bese kutsi bumnyama bufanane nekukhanya kwasekuseni.

Jobe 31:31

Bantfu labasekhaya kami abazange sebasho yini batsi: ‘Ngubani longazange asayidle ayesutse inyama yakaJobe?’

Tihlabelelo 112:4

Labacotfo batfola kukhanya ebumnyameni. Simakadze unemusa, nesihe, nekulunga.

Tihlabelelo 37:6

Kulunga kwakho uyawukwenta kugcame njengekukhanya, nebucotfo bakho bukhanye njengemini.

Tihlabelelo 41:1

Ubusisiwe umuntfu lonakekela lobutsakatsaka, Simakadze uyawumsindzisa ngelilanga lekuhlupheka.

Taga 14:31

Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.

Taga 28:27

Umuntfu lopha timphuya angeke eswele; kodvwa lotitsalaliselako uyawutfola ticalekiso letinyenti.

Isaya 29:18

Ngalelo langa tihhulu tiyakuva emavi alencwadzi legocotwako; ekhatsi ebumnyameni kahlongasibi emehlo etimphumphutse ayawubona.

Isaya 42:16

Labatimphumphutse ngitabahola ngetindlela labangazange batati, ngibahole ngetindlela letingakavami. Bumnyama ngitabenta bube kukhanya embikwabo, ngente tindzawo letimagebhugebhu tibe ngematsafa. Leti tintfo lengitawutenta; ngingeke ngitiyekele.

Isaya 60:2

Buka la, bumnyama buyawusibekela umhlaba, nebumnyama lobumatima busetikwetive, kodvwa Simakadze uyaphuma etikwakho, nenkhatimulo yakhe ibonakala etikwakho.

Hezekeli 18:16

Ayicindzeteli muntfu nome-ke ifune sibambiso sesebolekiso. Ayidleleli muntfu, kodvwa inikela ngekudla kwayo kulabalambile nangetintfo tekwembatsa kulabangcunu.

Zakhariya 14:7

Kuyakuba lilanga leliyincophamlandvo, leliyawubate imini nebusuku, lilanga lelatiwa nguSimakadze. Kuyawutsi nakutakuhlwa, kuvele kukhanya.

Zakhariya 6:15

“Labo labakhashane kakhulu bayakuta batewusita ngekwelekelela ekwakheni lithempeli laSimakadze; ngulapho-ke niyawukwati khona kutsi Simakadze longuSomandla ungitfumele kini. Loku kuyawukwenteka, nanimhlonipha nimlalela Simakadze longuNkulunkulu wenu.”

Lukha 18:22

Nakakuva loko Jesu, watsi kuyo: “Kusadzingeka wente intfo yinye, tsengisa ngako konkhe lonako, bese wabela timphuya lemali, uyawuba nemcebo ezulwini, bese uyeta uyangilandzela.”

Dutheronomi 15:4

“Noko akufanele kube nalomphofu emkhatsini wenu, ngobe kulelive Simakadze Nkulunkulu wenu lanipha lona kutsi nilidle libe lifa lenu utanibusisa kakhulu ngemcebo,