Isaya 57:16 - Siswati 1996 Bible

¹⁶ Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Isaya 57:16 Referencias Cruzadas

Genesisi 6:3

Simakadze wase utsi: “Moya wami angeke asabenta bantfu baphile kuze kube phakadze, ngobe bantfu bayinyama, emalanga abo asayawuba ngiminyaka leli-120.”

2 Samuweli 24:16

Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

Jobe 12:10

Kuphila kwato tonkhe tidalwa kusesandleni sakhe, kanjalo nemiphefumulo yabo bonkhe bantfu bemhlaba.

Tihlabelelo 85:5

Utasitfukutselela kuze kube phakadze yini? Kantsi lulaka lwakho utalwelula titukulwane ngetitukulwane yini?

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 42:5

Naku lokushiwo nguNkulunkulu longuSimakadze, yena lowo lowadala emazulu, waweneka, wendlala nemhlaba nako konkhe lokumila kuwo, lonika kuphefumula kubantfu labakuwo, nekuphila kulabo labahamba etikwawo, utsi:

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 3:5

Utangitfukutselela kokuphela yini? Lulaka lwakho lutawuchubeka kuze kube phakadze yini?’ Ukhuluma kanjalo-ke, kodvwa ube wenta konkhe lokubi longakwenta.”

Jeremiya 38:16

Kodvwa inkhosi Sedekiya yafunga lesifungo ngasense kuJeremiya, yatsi: “Ngifunga kuphila kwaSimakadze, lowasinika umphefumulo, ngingeke ngikubulale, futsi ngingeke ngikunikele nakulabo labatingela imphilo yakho.”

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Amose 1:11

Naku lokushiwo nguSimakadze, utsi: “Bantfu baka-Edomu bone kwaze kwengca, ngaleso sizatfu ngingeke ngihlale ngingabajezisi. Bacosha bomnakabo ngenkemba balahla sihawu, intfukutselo yabo yabhebhetseka kokuphela, yebo, nekutfukutsela kwabo kwakungasekhuteki.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Numeri 16:22

Kodvwa boMosi na-Aroni bawa phansi ngebuso bakhotsama, batsi: “Awu Nkulunkulu! Nkulunkulu wemimoya yebantfu bonkhe, kungatsi ngekona kwemuntfu munye bese utfukutselela sonkhe sive?”

KumaHebheru 12:9

Tsine sinabobabe betfu bengati labasiyalako sibahloniphe; pho, Babe wetfu ngekwaMoya akukafaneli yini simhloniphe ngentfobeko lenkhulu, kuze sitewutfola kuphila?