Isaya 57:15 - Siswati 1996 Bible

¹⁵ Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 57:15 Referencias Cruzadas

Genesisi 21:33

Abrahama wahlanyela sihlahla selitamariske eBherisheba. Wadvumisa Simakadze, Nkulunkulu waphakadze.

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

2 Tikhronike 34:27

Njengobe inhlitiyo yakho itsintsekile, wase uyatitfoba embikwaNkulunkulu, nawuva kutsi abetsiteni ngalendzawo kanye nangebantfu bayo, ngobe wena utitfobile embikwami, waklebhula tingubo takho, wakhala embikwami, ngikuvile, kusho Simakadze.

Jobe 22:29

Kodvwa Nkulunkulu uyabehlisa labo labatigcabhako, amsindzise umuntfu lotitfobako.

Jobe 6:10

Ngobe loko ngukona bekunganginika kuphumula nekutfokota kuleminjunju lengapheli yemahlaba, ngekutsi angikawaphiki emavi aLongcwele.

Tihlabelelo 111:9

Sive sakhe wasitfumelela kuhlengwa, wemisa sivumelwane sakhe kuze kube phakadze. Lingcwele liyesabeka libito lakhe.

Tihlabelelo 115:3

Phela, Nkulunkulu wetfu usemazulwini, wenta konkhe lakutsandzako.

Tihlabelelo 123:1

Ngiphakamisela emehlo ami ngakuwe, wena lohleti ebukhosini bakho ezulwini.

Tihlabelelo 138:6

Nome Simakadze aphakeme kangaka, uyabanakekela labatitfobako; kodvwa labatiphakamisako ubabukela khashane.

Tihlabelelo 138:7

Nome sengitungeletwe tinhlupheko, wena, Simakadze, uyayiphephisa imphilo yami, ungivikele elulakeni lwetitsa tami, unginyomule ngesandla sakho sekudla.

Tihlabelelo 147:3

Labanetinhlitiyo letephukile uyabaphilisa, abophe emanceba abo.

Tihlabelelo 34:18

Simakadze uhlala asedvute nabo labanetinhlitiyo letephukile uyabasindzisa labanemoya lowephukile.

Tihlabelelo 34:19

Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,

Tihlabelelo 51:17

Umhlatjelo lowemukeleka kuNkulunkulu ngumoya lowephukile nenhlitiyo ledzabukile. Nkulunkulu ngeke awubukele phansi.

Tihlabelelo 51:19

Khona-ke uyawujabula ngemihlatjelo lengiyo, ngeminikelo leshiswa yonkhe, khona-ke bayawunikela ngetinkunzi elatini lakho.

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Tihlabelelo 93:2

Sihlalo sakho sebukhosi seloku sema sicinile kwasemandvulweni, wena wawuvele ukhona kwasemaphakadzeni.

Tihlabelelo 97:9

Ngobe wena, Simakadze, unguLosetikwako Konkhe, ubusa umhlaba wonkhe, uphakeme ngetulu kwabonkulunkulu.

Tihlabelelo 99:3

Atidvumise tibabate libito lakho, ngobe lona likhulu, futsi liyesabeka, yena ungcwele.

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 15:18

Simakadze uyawubusa phakadze naphakadze.”

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Eksodusi 40:35

Loko kwenta kutsi Mosi ehluleke kungena ethendeni lekuhlangana, ngobe lifu lase lilisibekele. Lithende lekukhontela lase ligcwele inkhatimulo yaSimakadze.

Taga 16:19

Kuncono kuhlala nalabacindzetelwe ube phansi, kunekutsi ube nesabelo neticebi.

Taga 8:23

Ngemiswa phakadze, ekucaleni, umhlaba ungakadalwa.

Isaya 18:4

Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Isaya 33:5

Simakadze uphakeme, ngobe uhlala endzaweni lephakeme, utawugcwalisa iSiyoni ngekwehlulela ngemtsetfocotfo nangekulunga.

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Isaya 52:13

“Buka la, inceku yami iyawuphumelela emsebentini wayo, iyawuvuswa iphakanyiselwe etulu kakhulu.

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Sililo 3:41

Asiphakamisele tinhlitiyo tetfu kanye netandla tetfu etulu, sitiphakamisele kuNkulunkulu, sitsi:

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hezekeli 9:4

watsi kuyo: “Lihlamahlame lonkhe lidolobha laseJerusalema, ubeke luphawu emabuntini abo bonkhe labakhatsatekile babubula ngenca yato tonkhe letintfo letinengekako letentiwa lapha kulo.”

Danyela 2:11

Loku lokufunwa yinkhosi kulukhuni kakhulu. Kute namunye longakwembula loku enkhosini ngaphandle kwabonkulunkulu, bona-ke abahlali emkhatsini webantfu.”

Danyela 4:17

“ ‘Sincumo simenyetelwa titfunywa; labangcwele bamemetela sigwebo, kuze kutsi labaphilako bati kutsi Longetulu Kwako Konkhe wengamele yonkhe imibuso yebantfu, futsi uyinika nome ngubani latsandza kumupha yona, bese ubeka etikwayo labo labatfobeke kakhulu kunabo bonkhe bantfu.’

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 6:9

Nanithandazako nibotsi: “ ‘Babe wetfu losezulwini, alingcweliswe libito lakho.

Lukha 1:49

ngobe Somandla ungentele tintfo letinkhulu. Libito lakhe lingcwele.

Lukha 4:18

“UMoya weNkhosi ukimi, ngobe ungigcobile kutsi ngishumayele tindzaba letimnandzi etimphuyeni; ungitfumile kutsi ngimemetele inkhululeko kulabatfunjiwe, nekuvula emehlo etimphumphutseni, nekukhulula labacindzetelekile,

Imisebenti yebaPhostoli 3:14

Abengcwele alungile, kodvwa namala, namlahla, esikhundleni sakhe nacela Philatu kutsi anikhululele sigelekece.

KubaseRoma 1:20

Kusukela ekudalweni kwemhlaba nemkhatsi emandla akhe laphakadze nebuNkulunkulu bakhe bebufihlekile emehlweni ebantfu; noko bebukhona etingcondvweni kutsi bubonakale etintfweni latentile. Ngako-ke bate taba;

2 kubaseKorinthe 1:4

Yena uyasidvudvuta etinhluphekweni tetfu tonkhe; kuze labo labasetinhluphekweni sibe nemandla ekubadvudvuta ngaleyo ndvudvuto lesiyemukela kuNkulunkulu.

2 kubaseKorinthe 2:7

Nyalo-ke sekufuneka nine nimcolele nibuye nimkhutsate, ningamyekeleli etinhlungwini adzimate aphele.

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi:

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”

1 Samuweli 2:2

“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.