Isaya 55:7 - Siswati 1996 Bible

⁷ Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Isaya 55:7 Referencias Cruzadas

Genesisi 6:5

Simakadze wabona kutsi kukhulu kona kwemuntfu emhlabeni, nekutsi yonkhe imizindlo nemicabango yenhlitiyo yakhe mibi ngaso sonkhe sikhatsi.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 15:4

Kodvwa ekuhluphekeni kwabo bancandzeka babuyela kuSimakadze, Nkulunkulu wema-Israyeli, bamfuna bamtfola.

2 Tikhronike 30:6

Inkhosi yakhipha tigijimi, talihamba lonkhe laka-Israyeli nelakaJuda tiphetse tincwadzi letatiphuma kuyo nakutiphatsimandla tayo, letatitsi: “Sive sonkhe saka-Israyeli, buyelani kuSimakadze Nkulunkulu wa-Abrahama, na-Isaka, na-Israyeli, khona atewubuyela kini, nine lenisele ngekuphunyula esandleni semakhosi ase-Asiriya.

2 Tikhronike 33:13

Watsi nakathandaza kuye, Simakadze watsintseka ngalokuncusa kwakhe, wakulalela kutincengela kwakhe, wase umbuyisela emuva eJerusalema nasembusweni wakhe. Kusukela lapho-ke Manase wati kutsi Simakadze nguNkulunkulu.

2 Tikhronike 7:14

nangabe sive sami lesibitwa ngelibito lami, sititfoba sithandaze kimi, sifunisise intsandvo yami, siphendvuke etindleleni taso letimbi temonakalo, ngiyakuva ngisezulwini, ngitsetselele sono saso, ngiphilise live laso.

Jobe 22:23

Nawubuyela kuSomandla, utawusitakala: Nawususa bubi, ububeke khashane nendlu yakho,

Tihlabelelo 130:4

Kodvwa wena uyasitsetselela, kuze sitewuhlala ngekukwesaba.

Tihlabelelo 130:7

Israyeli, yetsembela kuSimakadze, ngobe umusa ukuSimakadze nekukhululwa sibili kukuye.

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Tihlabelelo 66:18

Kube bengicondze bubi enhlitiyweni yami, Simakadze abengeke angive.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Isaya 1:19

Nangabe nivuma futsi nilalela, niyawudla sivuno lesihle kakhulu selive;

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 21:12

Umlindzi uyaphendvula, utsi: “Kuyeta kusa, kodvwa kusesebusuku. Nanifuna kubuta, butani, nibophindze nibuye futsi.”

Isaya 31:6

Buyelani kuNkulunkulu, nine ma-Israyeli, nine lesenimhlubuke kangaka.

Isaya 32:7

Emasu asidlani mabi, wakha emacebo ebubi ekubhubhisa labamphofu ngemanga, ngisho nome sikhalo saloweswele sicotfo.

Isaya 40:2

“Khulumani kahle kubaseJerusalema, nimemetele kubo kutsi umshikashika wabo wemsebenti sewuphelelisiwe, nekutsi licala lesono sabo selihlawulelwe, nekutsi sebatfole ngalokuphindziwe esandleni saSimakadze ngaletono tabo.”

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Isaya 59:7

Tinyawo tabo tigijimela esonweni, bayashesha kucitsa ingati lengenacala. Imicabango yabo ngemacebo. Imbhubhiso nekucitsa kutimphawu tetindlela tabo.

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Jeremiya 3:3

Ngako-ke imvula yabanjwa langete lana, kwabate nembodlisamahlanga. Noko waba nelibunti lelomile lebugwababane, wangete wadliwa nangemahloni ngaloko.

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Sililo 3:40

Asihlolisise tindlela tetfu sitivivinye, bese sibuyela kuSimakadze.

Hezekeli 14:6

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Phendvukani! Gucukani nishiye letithico tenu, nikulahle konkhe lokunengekako ningasakwenti.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Jona 3:10

Watsi kube Nkulunkulu abone loko labasebakwentile, kutsi batishiye tindlela tabo letimbi, watisola ngalokubi labeshito kutsi utabehlisela kona. Akazange abajezise.

Zakhariya 8:17

Ningambopheli luzungu makhelwane, futsi ningabokutsandza kufungela emanga. Ngiyakwenyanya konkhe loko,” kusho Simakadze.

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Makho 7:21

Ngobe enhlitiyweni yemuntfu kuphuma imicabango lemibi, nebugwadla, nekuba, nekubulala,

Makho 7:23

Bonkhe bubi lobunjalo buchamuka ngekhatsi kumuntfu bumngcolise.”

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

Lukha 15:24

Ngobe lendvodzana yami beyifile, kodvwa nyalo seyiyaphila; beyilahlekile, kodvwa nyalo seyitfolakele.’ Ngako kwase kuyadliwa, kuyajatjulwa.

Lukha 7:47

“Ngako-ke ngikutjela ngitsi: Tono takhe lebetitinyenti setitsetselelwe, ngobe unelutsandvo lolukhulu, kodvwa lowo lotsetselelwe lokuncane, utsandza kancane.”

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

YaJakobe 1:15

Nangabe inkhanuko seyitsatsile, itala sono; sono nase siphelele, sitala kufa.