Isaya 55:2 - Siswati 1996 Bible

² Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Isaya 55:2 Referencias Cruzadas

Tihlabelelo 22:26

Labatitfobako bayawudla besutse, labafuna Simakadze bayawumdvumisa, bahalaliselwe kutsiwe: “Shangatsi ningaphila phakadze naphakadze!”

Tihlabelelo 34:11

Wotani, bantfwabami, ningilalele, ngitanifundzisa kumesaba Simakadze.

Tihlabelelo 36:8

Badla indvodla yekudla, badzimate besutse endlini yakho, ubanatsise emanti emfuleni wakho wentfokoto,

Tihlabelelo 63:5

Umphefumulo wami uyakwesutsiswa kube shangatsi ngidle emanoni nemnkantja, nemlomo wami ukudvumise ngenjabulo.

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Taga 1:33

Kodvwa lowo lolalela mine utawuhlala aphephile, akhululeke, angesabi lutfo lolubi.”

Taga 7:23

nanjengenyoni icotfota iya esifini. Yayingati kutsi loko itakukhokhela ngemphilo yayo.

Taga 8:32

“Manje-ke, madvodzana ami, ngilaleleni, babusisiwe labo labagcina imiyalo yami.

Taga 9:5

wotani nitewudla kudla kwami, ninatse neliwayini lengilihlanganisile.

Umshumayeli 6:2

Nkulunkulu upha umuntfu ingcebo, netimphahla letinyenti, nekuhlonipheka, kuze kutsi kubete lakweswelako lokufiswa yinhlitiyo yakhe, kodvwa Nkulunkulu angamvumeli kutsi atijabulise ngayo, esikhundleni saloko kube ngumfokati nje lotijabulisa ngayo. Nako loko kulite nemvisabuhlungu lembi.

Isaya 1:19

Nangabe nivuma futsi nilalela, niyawudla sivuno lesihle kakhulu selive;

Isaya 10:27

Ngalelo langa umtfwalo wema-Asiriya uyawususwa emahlombe enu, nelijoko lawo lisuswe entsanyeni yenu; lijoko litakwephulwa njengobe senikhuluphele kangaka nje.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Isaya 46:6

Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Isaya 51:4

“Lalelani kimi, bantfu bami, ngiveni, sive sami: Umtsetfo uyawuphuma kimi, umtsetfocotfo wami uyawuba kukhanya etiveni.

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Isaya 62:8

Simakadze ufunge ngesandla sakhe sekudla nangemkhono wakhe lonemandla, watsi: “Angisayiwuphindza ngephane ngekudla kwakho kutsi kube kudla kwetitsa takho, nebetive abasayiwuphindze balinatse liwayini lelisha lolishikashikanele kangaka.

Isaya 62:9

Kodvwa labo labakuvunako bayawukudla badvumise Simakadze, nalabo lababutsa emagelebisi, liwayini bayawulinatsela etibuyeni tendlu yami lengcwele.”

Isaya 65:23

Bangeke bashikanekele lite nome batale bantfwana labayawudliwa sehlakalo; ngobe bayawuba sive lesibusiswe nguSimakadze, bona kanye netitukulwane tabo.

Jeremiya 12:13

Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Jeremiya 17:24

“ ‘Simakadze utsi: Kodvwa nanicaphela ningilalele ningete nangenisa imitfwalo emasangweni alelidolobha nakuliSabatha, kodvwa nigcine liSabatha lingcwele, ngekungenti namunye umsebenti ngalelo langa,

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 31:14

Baphristi ngiyawubesutsisa ngenala, sive sami ngisigcwalise ngekwephana kwami,” kusho Simakadze.

Hoseya 12:1

Efrayimu utondla ngemoya, ucoshana nemoya wasemphumalanga lonkhe lilanga, wandzise emanga nebudlova. Wakha sivumelwane ne-Asiriya, atfumele emafutsa emncumo eGibhithe.

Hoseya 8:7

“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.

Habakhuki 2:13

Kungabe kambe Simakadze longuSomandla akakumisi yini engcondvweni yakhe kutsi kushikashikeka kwebantfu kungemafutsa nje ekubhebhetela umlilo, nekutsi tive tishikashikeke, titikhandlekele lite?

Matewu 15:9

‘Bangikhonta ngelite, ngobe bafundzisa imitsetfo leshaywe bantfu bente shangatsi iphuma kimi.’ ”

Matewu 22:4

Yaphindze yatfumela letinye tisebenti yatsi: ‘Tjelani labo labamenyiwe kutsi lidzili lami selilungile, tinkhabi tami netinkhomo tami letikhuluphalisiwe setihlatjiwe, konkhe sekulungile; wotani edzilini!’

Matewu 5:6

Babusisiwe labalambele bomele kulunga, ngobe bayakwesutsiswa.

Makho 7:14

Jesu wabuye wabita sicuku lesikhulu sebantfu watsi kuso: “Lalelani nonkhe nitekuva kutsi ngitsini.

Lukha 15:23

Nifune litfole lelihle lelikhuluphele nilihlabe sitewudla sijabule.

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

KubaseRoma 10:17

Ngako-ke kukholwa kuvela ekuveni, kuva kuvela ngekutsi kushunyayelwe ngaKhristu.

KubaseRoma 9:31

Kepha baka-Israyeli lababetihlupha bafuna kulunga ngekwenta lokufunwa ngumtsetfo, noko abazange bakhone kuwugcina umtsetfo.

Dutheronomi 11:13

“Nangabe niyayilalela imiyalo lengininika yona lamuhla, nitsandze Simakadze Nkulunkulu wenu, nimkhonte ngayo yonkhe inhlitiyo yenu, nangawo wonkhe umphefumulo wenu,

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.