Isaya 54:9 - Siswati 1996 Bible

⁹ “Kimi loku kufanana nemalanga aNowa, ngesikhatsi ngifunga kutsi emanti aNowa angeke aphindze awumbonye umhlaba. Ngako-ke manje sengifungile kutsi ngingeke ngiphindze ngikutfukutselele, ngingeke ngiphindze ngikutsetsise.

Isaya 54:9 Referencias Cruzadas

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

Jobe 11:16

Nakanjani, kuhlupheka kwakho utakukhohlwa, ukukhumbule njengemanti lake ageleta embikwakho,

Tihlabelelo 104:9

Wawabekela iminyele langeke ayengce, angete asabuyela kuyakwembesa umhlaba wonkhe.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 49:18

Phakamisa emehlo akho ucalate, bonkhe bantfwana bakho bayabutsana, babuyele kuwe.” Simakadze utsi: “Ngifunga kuphila kwami, impela uyakubembatsa bonkhe njengemhlobiso wemvunulo, uyakubagcoka njengamakoti.

Isaya 51:22

Naku lokushiwo yiNkhosi Simakadze, Nkulunkulu wakho, lovikela sive sakhe, utsi: “Uyabona, sengiyisusile esandleni sakho indzebe beyikwenta udzayitele; kuleyo ndzebe, ludziwo lwentfukutselo yami, ungeke uphindze unatse kuyo futsi.

Isaya 51:6

Phakamiselani emehlo enu emazulwini, niwubuke nemhlaba phansi; emazulu ayawunyamalala njengentfutfu, nemhlaba uguge njengengubo, nalabahlala kuwo bafe njengetimphungane. Kodvwa insindziso yami iyawukhonsa phakadze naphakadze, kulunga kwami ngeke kuphele.

Isaya 51:8

Ngobe umvunya uyawubadla njengengubo, imphetfu iyawubamita njengensontfo. Kodvwa kulunga kwami kuyawukhonsa phakadze naphakadze, nensindziso yami iyakuma titukulwane ngetitukulwane.”

Isaya 55:11

linjalo-ke nelivi lami leliphuma emlonyeni wami: Lingeke libuye kimi yabayaba, kodvwa liyawukwenta loko lengikuhlosile, liwufeze umgomo walo lengilikhiphele wona.

Isaya 62:8

Simakadze ufunge ngesandla sakhe sekudla nangemkhono wakhe lonemandla, watsi: “Angisayiwuphindza ngephane ngekudla kwakho kutsi kube kudla kwetitsa takho, nebetive abasayiwuphindze balinatse liwayini lelisha lolishikashikanele kangaka.

Jeremiya 31:37

Naku lokushiwo nguSimakadze, utsi: “Kuphela nje nangabe emazulu lasetulu angalinganiswa, netisekelo temhlaba letingaphansi tiphenywe, nami-ke ngulapho ngiyawusilahla sonkhe situkulwane saka-Israyeli, ngenca yako konkhe labakwentile,” kusho Simakadze.

Hezekeli 16:42

Ngulapho-ke lapho intfukutselo yami kuwe iyawubotja khona, nentfukutselo yami yesikhwele iyawuncandzeka kuwe, ngiyawutithulela ngingabe ngisakutfukutselela.

Hezekeli 39:20

Edzilini lami niyawudla nize nidzabuke tisu yinyama yemahhashi neyebagibeli bawo, neyetingwazi letinemandla neyayo yonkhe inhlobo yetihlabani,’ kusho iNkhosi Simakadze.”

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”