Isaya 54:11 - Siswati 1996 Bible

¹¹ “Awu, wena, dolobha lelihlushiwe lashaywa tivunguvungu langete ladvudvutwa, ngiyawukwakha ngematje lamahle, tisekelo takho ngitakhe ngemasafire.

Isaya 54:11 Referencias Cruzadas

1 Emakhosi 5:17

Ngekulayetwa yinkhosi Solomoni lamadvodza abegicita ematje elikhetselo lamakhulu lalolongwe kahle ekwakha sisekelo selithempeli.

1 Emakhosi 6:30

Watembesa ngegolide tiyilo talamakamelo langekhatsi nalangephandle kwelithempeli.

1 Tikhronike 29:2

Ngetame ngawo onkhe emandla ami kulungisa tonkhe tintfo tekwakha lelithempeli laNkulunkulu wami, ngilungise igolide yekwakha tonkhe tintfo tegolide, nesiliva yekwakha tonkhe tintfo tesiliva, nelitfusi lekwakha tonkhe tintfo telitfusi, nensimbi yekwakha tonkhe tintfo tensimbi, netingodvo tekwakha tonkhe tintfo telukhuni, ne-oniksi yekuhlobisa ngemigca, nethekhosi, nematje lamibalabala, netinhlobonhlobo tematje laligugu lacolisakele kanye netintfo temabuli; konkhe loku kunyenti kakhulu.

2 Tikhronike 3:6

Inkhosi yahlobisa lithempeli ngematje laligugu nangegolide leyayitfunyelwa iphuma eveni lasePhavayimu.

Jobe 28:16

Ngeke sekutsengwe ngisho nangegolide yase-Ofiri, nangelitje leliligugu i-oniksi nome emasafire.

Tihlabelelo 34:19

Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Eksodusi 24:10

bafike babona Nkulunkulu wema-Israyeli. Ngaphansi kwetinyawo takhe kwabonakala lokwakufanana nendlela yelitje lesafire lelalingumbala loluhlata njengesibhakabhaka.

Eksodusi 3:2

Ingilosi yaSimakadze yabonakala kuye iselangabini lemlilo ekhatsi nekhatsi esihlahleni. Watsi uyabuka, wabona lesihlahla sivutsa kodvwa singashi.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Ingoma Yetingoma 5:14

Imikhono yakhe injengemigcala yegolide lokufakwe kuyo ematje laligugu. Umtimba wakhe ushelela njengematinyo endlovu, uhlotjiswe ngemasafire.

Isaya 14:32

“Sitawuphendvula sitsini kuletitfunywa letiphuma kulesive? Sitawusho, sitsi: Simakadze sewuyakhile yatinta iSiyoni, ngulapho sive sakhe lebesihlushwa sitawuphephela khona.”

Isaya 28:16

Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.

Isaya 44:28

Ngimi futsi lokhuluma ngaKhuresi atsi: ‘Ungumelusi wami, uyawukwenta konkhe loko lengikutsandzako; uyawukhuluma ngeJerusalema, atsi: “Ayakhiwe kabusha,” nangelithempeli atsi: “Akwakhiwe tisekelo talo.” ’ ”

Isaya 49:14

Kodvwa iSiyoni yatsi: “Simakadze ungifulatsele, Simakadze ungikhohliwe.”

Isaya 51:21

Ngako-ke, vani naku, wena lohlushwako, nalosadzakisiwe, kodvwa hhayi ngeliwayini.

Isaya 51:23

Ngiyakuyifaka etandleni tebahluphi bakho, labakhuluma kuwe batsi: ‘Khotsama phansi, khona sitewuhamba etikwakho.’ Umhlane wakho uwente ufanane nesiyilo, ufanane nemgwaco lekungahanjwa etikwawo.”

Isaya 54:12

Imibhoshongo yakho ngiyakuyenta ngemarubhi, emasango akho ngiwente ngematje lamanyatelako, nato tonkhe tibondza takho ngitente ngematje laligugu.

Isaya 54:6

Simakadze uyawukubita ubuye, kube shangatsi bewungumfati lolahliwe nalodzabukile emoyeni, umfati lowendza asemncane wabuye futsi waliwa,” kusho Nkulunkulu wakho.

Isaya 60:15

“Noko uke walahlwa, watondvwa, kungekho muntfu lowendlula kuwe, ngiyawukwenta ligcabho laphakadze, nenjabulo yato tonkhe titukulwane.

Jeremiya 30:17

Kodvwa wena ngiyawukubuyisela emphilweni, ngiphilise emanceba akho, nome ubitwa ngekutsi ungulolahliwe, iSiyoni lenganakwa ngumuntfu,’ kusho Simakadze.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Hezekeli 1:26

Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Hezekeli 10:1

Ngabuka, ngabona lokwakufanana nesihlalo sebukhosi sesafire kusetikwemkhatsi lowawungetulu kwetinhloko temakherubhi.

Mikha 7:11

Nine bantfu baseJerusalema siyeta sikhatsi sekwakha kabusha tibondza telidolobha. Ngaleso sikhatsi live lakini liyawukwandziswa.

Matewu 8:24

Kwase kuvuka sivunguvungu selwandle lesikhulu, sikebhe sadzimate sagujetelwa ngemagagasi; kepha Jesu abelele.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Kubase-Efesu 2:20

Lendlu yakhelwa etikwesisekelo sebaphostoli nebaphrofethi; Jesu Khristu lucobo ulitje lelisimise lendlu.

Dutheronomi 31:17

Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’