Isaya 52:7 - Siswati 1996 Bible

⁷ Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

Isaya 52:7 Referencias Cruzadas

Tihlabelelo 59:13

Bacedze ngekutfukutsela kwakho, ubanyamalalise baphele batsi nya, kuze bantfu bati kutsi: Nkulunkulu ubusa kaJakobe nasemikhawulweni yemhlaba. Cabanga.

Tihlabelelo 68:11

Simakadze wakhipha umyalo wakhe. Sicumbi lesikhulu salabasikati saphuma salilitela satsi:

Tihlabelelo 93:1

Simakadze uyabusa, wembetse inkhatimulo, Simakadze wembetse, wavunula emandla. Ngempela, umhlaba wonkhe utintile, ungeke utanyatanyiswe.

Tihlabelelo 96:10

Memetelani emkhatsini wetive nitsi: “Simakadze yiNkhosi, uyabusa! Yebo, umhlaba usinyisiwe, ungeke utanyatanyiswe, nguye loyakwehlulela tive ngebucotfo.”

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Tihlabelelo 98:2

Simakadze uyente yatiwa insindziso yakhe, kulunga kwakhe ukwembulile emehlweni ebetive.

Tihlabelelo 98:3

Uwukhumbulile umusa wakhe nekwetsembeka kwakhe kubaka-Israyeli. Imikhawulo yonkhe yemhlaba iyibonile insindziso yaNkulunkulu.

Tihlabelelo 99:1

Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Ingoma Yetingoma 2:8

Lalela, nasi sitsandvwa sami! Bukela, nanguya eta angcabisha engca etintsabeni, agiya etikwemagcuma.

Isaya 24:23

Inyanga iyawufiphala, lilanga lidliwe ngemahloni; ngobe Simakadze longuSomandla uyawubusa eNtsabeni yaseSiyoni naseJerusalema, yebo, abuse ngeludvumo embikwebaholi bayo.

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 41:27

Ngaba wekucala kutjela iSiyoni, ngatsi: ‘Bukani, naba!’ IJerusalema ngayipha sitfunywa setindzaba letimnandzi.

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Mikha 4:7

Bantfu balesive batishosha kantsi bakhashane nemakhaya abo, kodvwa ngiyawukwenta sicalo lesisha ngensali yabo, babe sive lesinemandla. Ngiyawuba yiNkhosi yabo eSiyoni kuze kube phakadze naphakadze.”

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.

Nahume 2:1

Nasi sitsa sikuhlasela, Nineve! Lindzani tinqaba, nicaphele imigwaco; tilungiseleleni. Bambanani ngemandla enu!

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Makho 13:10

LiVangeli kufanele lishunyayelwe etiveni tonkhe kucala.

Makho 16:15

Watsi kubo: “Hambani niye emhlabeni wonkhe, nishumayele liVangeli kubo bonkhe bantfu.

Lukha 2:10

Kodvwa ingilosi yatsi kubo: “Ningesabi; ngobe nginiletsele indzaba lemnandzi, yekutfokota lokutawuba kwebantfu bonkhe;

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Kubase-Efesu 6:15

tinyawo tenu tigcokiswe kulungela kushumayela liVangeli lekuthula.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.