Isaya 51:10 - Siswati 1996 Bible

¹⁰ Kwakungesiwe yini lowa lowomisa lwandle, emanti alapho kushona khona kakhulu, lowenta umgwaco ekujuleni kwelwandle, kuze labahlengiwe bewelele ngesheya?

Isaya 51:10 Referencias Cruzadas

Tihlabelelo 106:10

Ngako wabasindzisa esandleni sesitsa, wabahlenga emandleni esitsa.

Tihlabelelo 106:9

Wakhalimela Lwandle Lolubovu, lwasha, wabeweta ekujuleni kwalo, kwaba shangatsi bahamba ehlane.

Tihlabelelo 74:13

Nguwe lowehlukanisa lwandle ngemandla akho, nguwe lowafohlota tilwane letinkhulu taselwandle.

Tihlabelelo 77:19

Indlela yakho yadzabula lwandle, umvila wakho uselwandle lolujulile, noko tinyatselo takho tatingabonakali.

Eksodusi 14:29

Kodvwa ema-Israyeli wona abewele emhlabatsini lowomile elwandle, futsi nemanti ajinge achubeka kuma tindvonga ngesekudla nangesancele.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Isaya 11:15

Simakadze uyakomisa sihlenge selwandle lwaseGibhithe; uyakwelula sandla sakhe lesinemandla etikweYufrathe, ayihamule ngemoya loshisako. Lomfula uyakuwehlukanisa ekhatsi, ube ngimifula lesikhombisa, khona bantfu batekwewela bafake tincabule.

Isaya 11:16

Kuyawuba nemgwaco lomkhulu wemisalela yesive sakhe leyawube isele e-Asiriya, njengobe wawukhona nakubaka-Israyeli ngesikhatsi baphuma eGibhithe.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Isaya 35:9

Kuyawubate libhubesi lapho, kute ngisho nesilwane lesinelulaka, lesiyawutfolakala kuwo. Kodvwa ngulabahlengiwe bodvwa labayawuhamba kulowo mgwaco,

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Isaya 43:16

Naku lokushiwo nguSimakadze, lowo lowavula indlela ekhatsi elwandle, wenta umkhondvo ekhatsi emantini lanemandla,

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Mikha 7:15

Sentele timangaliso, Simakadze, njengobe wenta emalangeni ekusikhipha kwakho eGibhithe.

Zakhariya 10:11

Bayakwendlula elwandle lwetinhlupheko, lwandle loludlondlobele luyawubindziswa, nako konkhe kujula kweNayili kuyawukoma. Kutigcabha kwase-Asiriya kuyawudzilitwa, nendvuku yebukhosi yaseGibhithe iyawunyamalala.